Impakan Sturka 24:14 - DAWAN BÎLA AISKA

¹⁴ Almuk nani ra naku win: —Naha kat bîli kaiki bas, yang nani kli tawi balamna kat. Bamna Eran bara Hur sin man nani wal nâra kabia, bara upla kum kra trabil bri kaka, witin nani ra aisas.

Impakan Sturka 24:14 ပူးပေါင်းရင်းမြစ်များ

Blasi Sturka 22:5

Bara Ebraham ai albika nani ra win: —Man nani biriku nani ba wal takaski nâra bas bara yang luhpi na wal kau kainamra wamna, bahara Gâd ra mayuni si yang nani kli man nani ra balamna.

Impakan Sturka 17:10

Moses bui Jasua ra win ba baku witin daukan, bara Amalec uplika nani wal aiklabaia taki wan. Baha piua ra Moses, Eran bara Hur sin, witin nani yumhpa lika pat il bahna ra uli wan.

Impakan Sturka 17:12

Ban sakuna, Moses klahkla ba swapi kan, bamna witin nani walpa kum brin bara witin baha purara yan iwan; bara Eran bui Moses klahkla kum alki bukan, Hur sin klahkla wala ba alki bukan. Bara baku witin nani wâl bui Moses klahkla nani ba alki buki bri kan. Baku Moses klahkla ba tâ baiki brin ban yu dimaia ra ba kat.

Impakan Sturka 18:16

Ani piua ra witin nani trabil tilara ai walka wal trabil kum brisa ba ra yang ra aula, yang baha ba luki kaiki bara wimna ani ba ai raitka kau brisa, bara ani ba sin ai swakwanka bri ba. Bamna yang bui witin nani ra Gâd lâka bîla nani smalki wisna.

Impakan Sturka 32:1

Bamna Israel luhpia nani kaikan, Moses il ra wan ba balras ban lap tiwan, bara witin nani Eran ra bal asla taki, naku win: —Man mahka bûi gâd nani paski aik, bara witin nani mita wan tâ brih impakbia; kan Moses, witin Idsip tasbaya wina wan sakan waitnika ba, dîa takan sapa yang nani nu âpu.

1 Samuil 10:8

Bara Guilgal kainira was; yang bâra wamna man wal prawaia, bahara wîna aiska angkaia, wal kli uplika takaia sakripaiska nani ba sin daukaia. Yu 7 bîli kaiki bas, yang wamna ba kat, bara yang bui mai wimna dîa daukaia sma ba.