Impakan Sturka 24:10 - DAWAN BÎLA AISKA

¹⁰ Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.

Impakan Sturka 24:10 ပူးပေါင်းရင်းမြစ်များ

Blasi Sturka 32:30

Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

Blasi Sturka 32:31

Yu kalwi ulan ba ra, Jekob Penuel wina taki wan; sakuna ai kilka dusa latwan bri kan bamna, prutwi wan.

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

2 Kronikas 6:17

Baku bamna, Dawan, Israel Gâdka, albikam Debit ra dîa man bîlam wiram ba kat daukma.

Impakan Sturka 24:11

Gâd lika Israel tâ uplika nani ra saura munras kan, witin nani bui Gâd kaikan, bara aikuki plun pin, diara sin din.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 33:20

Sakuna param mai wisna, yang maiwan sip kaikma apia. Kan upla kum yang ai kaikbia ba, sip raya ban kabia apia.

Impakan Sturka 33:23

Baha ningkara mihti ba sakamna, bara man nini wina ai kaikma. Ban sakuna, maiwan pali lika sip kaikma apia.

Yamni Kulki Lawana 5:14

Ai mihta nani ba lika, gul mihtadingka nani sa, taya pura ba walpa klauhira siakni ni yukan baku sa; ai wîna tara ba pihni pali sa, taya ba walpa klauhira sangni ni purak yukan sa.

Yamni Kulki Lawana 6:10

¿Naha na ya, lalma kahbi kan laptika baku biki wan kaiki ba? Kati baku painkira sa, lapta wal baku ingnikira sa, war aiklaklabra nani war ra aiklabaia taki auya baku, sip alki takaskras.

Inanka Nani 4:7

Ai wihtka tara nani lika kanra sunu kan, pura wina lî auhi ba wal, baku sin kanra pihni kan tiala laya ba wal; ai wîna tara ba kanra pauni kan silbiara taya paunka ba wal, ai prana ba kanra ingni kan, walpa pranakira ba wal.

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Isikiel 10:1

Tisku kan kaikri, kasbrika pura sangnika tara ba purara rayaka bri nani tnawa nani bri ba lal ba purara, diara lilka bal takan, king iwaika kum sapair ni paskan baku kata.

Daniel 10:17

¿Nahki sip kabia man wal aisaia naha man dukiam dadaukra na, karnika nani âpu pali aihwa sna, baha purkara wingki kunhku pali brisna na?’

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 14:9

Jisas pana win: —Pilip, nahki piua wihka yang lika man nani wal sna, ¿bara kau ai kakaira apia sma ki? Ani uplika yang ai kaiki ba, Aisiki ra sin kaikisa; ¿bamna, dîa muni Aisa ba kaikaia makabisma?

Jan 6:46

“Upla kumi sin Aisa ba kaikras, sakuna witinka Gâd blikan ba lika.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

1 Jan 4:12

Upla kumi sin kau Gâd ba kaikras sa; sakuna wan walka ra pana pana latwan kaiki kabia kaka, Gâd yawan ra iwi kabia, bara ai latwanka lâka sin aitani kat daukan kabia.

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 21:11

Baha tawanka ba Gâd ingnika ni ingwi kan, bara ai ingnika ba walpa painkira pali baku kan, jasper walpaya baku, glas klin pali baku.

Param Marikanka 4:3

Iwi kan ba lika jasper walpaya ingnikira, apia kaka karnilian walpaya baku kan; kingka iwaika ba kir kumadura kum bâra kan, bara baha ba lika esmeralt walpaya ingnika baku ingwi kan.