Impakan Sturka 23:6 - DAWAN BÎLA AISKA

⁶ “Upla umpira kum lâ mawanra lâ dimisa kaka, ai lâka wapni dauki yaia ba âmya tikpara.

Impakan Sturka 23:6 ပူးပေါင်းရင်းမြစ်များ

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 31:13

Duki dadaukra nani dîa ai makabi kan ba, yang piua bani ai makabanka ba kat dauki katna.

Sins Lâka 18:5

Aitani apia sa lâ uplika mita watawikira nani ra yamni munaia, bara pâtkas ra raitka yaras munaia.

Sins Lâka 22:22

Upla umpira ba umpira sa wisi diara bri ba dakpara, kan witin ba, lâ wihta nani mawanra hilpkas bûi ba taibi munpara,

Sins Lâka 31:5

kan witin nani baha di ba mita lâ nani ba ai âuya tiwaia sip sa, bara bawikira uplika nani ra lâka wapnika daukaia ba sin aihka man lakbia.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 5:23

Pâtkira ba lalah aibapi ba mita, man nani brih pâtkas wisma, man nani pâtkas uplika nani raitka bri ba yaras sma.

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Jirimaya 6:28

Dawan, witin nani sut ba wan mapara babura atia sa; upla dusa kakuhbra nani bara watawikira atia; bras baku, ayan baku sa.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’

1 Samuil 8:3

Ban sakuna, luhpia waitna nani ba ai aisika dauki kan natka baku daukras, witin nani lika lalah lalihkra nani takan, upla wina lalah brin bara lâ kasak daukaia kan ba daukras.