Impakan Sturka 23:31 - DAWAN BÎLA AISKA

³¹ Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Impakan Sturka 23:31 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

1 King Nani 11:2

Baha uplika nani sât dukiara sika Dawan bui Israel luhpia nani ra win kan ba, baha mairka nani wal bribia apia, kan mairka nani ba mita munka gâd bahki nani ra ai kupia ba yaka tniwbia. Sakuna baha mairka nani ra sika Salaman bui latwan kaiki aikuki wal asla takan.

1 King Nani 20:13

Bara Israel kingka Ahab ra prapit kum balan, bara win: —Dawan ba naku wisa: ‘Kaiks, man waihlam nani kwâra tara kaikisma, sakuna baha nani sut yang bui mihtam ra mangkamna, bara man tânka brima yang sika Dawan sna ba.’

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

2 Kronikas 9:26

King tasbaya nani sut bâra kan ba, Éufrates awala wina, filisteo nani kuntrika kat, Idsip tasbaya piarkika sut purara Salaman ba king kan.

Lawana Nani 72:8

Kabu kum wina, kabu wala kat, bara Éufrates wina, tasba paski takaskan ba kat purara ai karnika bribia.

Kulki Kaikanka 21:34

Bara Dawan bui Moses ra win: “Witin ba mapara si bripara, kan yang bui witin ba man nani mihtam ra mangkamna, war uplika nani ba bara ai tasbaya ba sin. Bara man nani, Sihón, amorreo nani kingka Hesbón ra iwi kan ra dîa munram ba baku, witin ra daukma.”

Kulki Kaikanka 34:2

“Naha lâka smalkisna na wis Israel luhpia nani ra: Man nani pat pali Kenan kuntrika ra dimma. Kuntrika ba sika man nani dukiam pali kabia, bamna naha lainka sika man nani piarkikam ba.

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 11:24

Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Kli Smalkanka 2:33

Sakuna Dawan wan Gâdka mita wan mihta ra mangkan bara yang nani mita pura luri, ai luhpia nani bara ai suliarka nani ra sin.

Kli Smalkanka 2:36

Aroer tawanka tara Arnón awala un ra bâra ba, bara tawan tara il bîla ra bâra ba wina ba Galaad kat, tawan kumi sin karnika âpu kan wan mapara bûi aiklabaia. Dawan wan Gâdka mita baha nani sut ba yawan mihta ra kauhaia daukan.

Kli Smalkanka 20:16

Sakuna Dawan Gâdkam mita baha nisanka nani tawanka wina man nani dukiam maikbia ba ra, diara kumi sin raya swipara.

Kli Smalkanka 3:2

“Bamna Dawan bui ai win: ‘Witin sîa yapara, kan witin ai suliarka bara ai tasbaya aiska man nani mihtam ra mangkri sa, Sihón ra, amorreo nani kingka Hesbón ra iwi kan, witin nani ra dîa munram baku munma.’

Kli Smalkanka 6:19

Waihlam man nani mampara bubia ba, Dawan bui munka plapbia, swer takan ba baku.

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Jasua 1:4

Man nani tasbayam ba maikamna, upla iwras tasbaya ba wina ban Líbano ilka nani bâk, awala tara Éufrates kat, hitita nani tasbaya ba sut, bara ban Mediterráneo kabuka ba kat.

Jasua 10:19

Bara sim piua ra, man nani lika mai takaskbiara. Waihla ninara was bara nina tani wina aiklabi banhs. Kli yarka ai tawanka nani ra tawi wabiara, kan Dawan man nani Gâdkam ba bui mihtam ra mangkan sa.”

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Jasua 13:6

Sidón uplika nani ba Israel luhpia nani mihta ra mangkaisna, il biara ra iwi nani ba, Líbano wina Misrefot-maim kat. Man lika tasbaya ba sir munma, Israel luhpia nani anira iwaia ba, dîa yang mai wisna ba kat daukma.

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 21:44

Dawan ba ai pramiska kat daukan bara tasbaya iwi kan ba sut ra kupia kumi lâka yan. Ai waihla nani bui mapara sip unsabras kan, Dawan mita baha nani ra pura luaia yan bamna.

Jasua 23:14

“Yang lika mahka pruaisna, sakuna yang kau pruras sna ba ra brinki sa man nani kaikma, kupiam aiska bara sulkam aiska wal, Dawan pramis painkira man nani ra mai win ba, aiska aimakan, ai pramis kumi sin âpu sa daukras ba.

Jasua 24:11

Bara man nani Jordan awala lui bara Jeriko kat balram. Jeriko ra iwi kan nani ba amorreo nani, ferezeo nani, Kenan uplika nani, hitita nani, gergeseo nani, heveo nani bara Jebús uplika nani. Man nani mampara aiklaban, sakuna yang pura luaia maikri man nani ra.

Jasua 24:12

Amorreo kingka nani wâl ra man nani sauhki tikras kapram sord bara pantamangka wal sin apia, sakuna yang mita sibrin tara blikri man nani kainamra. Baku ba mita witin nani sut plapan kan, man nani waras kapram kainamra.

Jasua 24:18

Wan yabalka ra upla ailal bâra kan ba sut sakan, bara amorreo nani nâra iwi kata ba sin. Baku ba mita, yawan nani Dawan warkka daukpi, kan witin ba wan Gâdka sa.

Jasua 24:8

amorreo nani tasbaya ra mai bri balri ba kat, Jordan lalma tani ra. Witin nani mampara aiklaban, sakuna yang pura luaia maikri; bara man nani sauhki tiki, tasbaya ba dawanka takram.

Jasua 8:18

Bara Dawan Jasua ra win: “Nanara tawan ba mihtam ra mangkuna, bamna sain ba yas, witin nani mahka wih dimi sauhkbia.” Bara Jasua sain ba yaban, witin nani mahka Ai tawanka ba dimi sauhkaia.

Jasua 8:7

Bara baha taim man nani yukuwaikam ba wina bal taki, tawan ba bilara dimi alki bris, kan Dawan man nani Gâdkam bui tâm baikbia bara uplika nani ba mihtam ra mangkuya.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?

Wihta Nani 1:4

bara baku Juda uplika nani ba wan bara Kenan uplika nani bara ferezeo nani tasbaya ba kutbi alkan, uplika nani ba Dawan mita witin nani mihta ra mangkan kan. Bara baku, Bézec ra baha nani 10,000 pura luan, baha tilara Adonisédec sin bâra kan.

Wihta Nani 11:21

Bara Dawan, Israel Gâdka ba, ai uplika nani ba tâ baikan bara pura karnika ba yaban. Bara witin nani aiklabi Sihón suldiarka nani sut pura luan, bara baku witin nani bui amorreo nani tasbaya nani sut dawanka takan, witin nani tasbaya ra:

1 Samuil 23:4

Debit kli Dawan wal aisi baha tânka plikan; Dawan pana win: —Mahka Queilá ra waia yabalka ra aimaks, yang bui filisteo nani ba mihtam ra mangkamni.