Impakan Sturka 23:27 - DAWAN BÎLA AISKA

²⁷ “Yang daukamna sibrin lâka tara kârma kalki inaia lâka nani, kupia kriwan lâka tara sin man nani kainamra ban wabia. Bara ani tasbaya bâk luisma ba ra, yang mita munamna waihlam nani sut man nani kainamra plapi kabia.

Impakan Sturka 23:27 ပူးပေါင်းရင်းမြစ်များ

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

2 Samuil 22:41

bara waihli nani ba kainira yaram plapan. Baku sip kapri misbara ai kaiki nani ba sauhki tikaia.

2 King Nani 7:6

Dawan mita Siria uplika nani ra sirang ikan plapan takaski kan ba pliska wina, wagin nani binka walan, aras nani mina binka sin, bara aiklaklabra nani daknika tara pali aula binka baku walan; bara Siria uplika nani lukan, Israel kingka ba hitita kingka nani ra bara Idsip kingka nani ra aibapan ai mapara aiklabaia balbia.

2 Kronikas 14:14

Baha ningkara tawanka nani aiska purara kauhan Guerar lamara nani ba ra, bara upla sut sibrin ni aibanhwan kata Dawan mapa ra. Juda uplika nani mita alki taibi dukia dakban, diara yamnikira nani ailal kan ba sut.

Lawana Nani 18:40

Man daukram waihli nani ba tâiura plapaia. Baha mita sip katna, misbara ai kaiki banhwi ba âpu daukaia.

Lawana Nani 21:12

Man bui witin nani ra munrika plapbia; pantamangka ba man bui witin nani ai mawanra mangki drama.

Impakan Sturka 33:2

Bara man nani kainamra insal kum blikamna tâm bri waia. Bara kuntrika ba wina, Kenan uplika nani ba, amorreo nani, hitita nani, ferezeo nani, heveo nani bara Jebús uplika nani ba sut kangbi sakamna.

Impakan Sturka 34:24

Nisan wala nani ba, man nani mamwan wina kangbi sakamna. Bara man nani tasbayam lainka ba kau kitbamna, baku mika upla kumi sin tasbayam ba ai dukia wisi bribia apia. Man nani mani bani aima yumhpa, Dawan Gâdkam mawanra wih buaia sma bamna.

Kulki Kaikanka 22:3

Bamna Moab uplika nani sibrin pali takan, Israel luhpia nani ailal pali kan kaikan bamna.

Kli Smalkanka 11:23

Dawan bui man nani mamwan wina baha nisanka sut saki lulkbia, bara man nani tawan kau tara karnakira ba dakbi brima.

Kli Smalkanka 11:25

Upla kumi sin mampara bubia apia. Sibrin bara ai sringka mai bribia tasbaya sut ra luma ba ra, Dawan Gâdkam pramis mai munan baku, witin tâm bribia.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Kli Smalkanka 6:19

Waihlam man nani mampara bubia ba, Dawan bui munka plapbia, swer takan ba baku.

Kli Smalkanka 7:23

Dawan Gâdkam naha nisanka mihtam ra âpu dauki wabia, sauhki tikma ba kat.

1 Samuil 14:15

Filisteo nani sut bâra kan ba kasak sirang iwan, aiklaklabra daknika tara nani bara sirpi nani sin ai takaskaika ra bâra kan ba, sut sirang iwan. Witin nani aiklabi kan bara tasba ba sin nikbi kan ba ra, prura sibrinka upla ra diman.