Impakan Sturka 23:24 - DAWAN BÎLA AISKA

²⁴ Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 23:24 ပူးပေါင်းရင်းမြစ်များ

2 King Nani 17:11

bara baha pliska ra dus kîa pain nani ba angkan upla sut ai natka baku, ai tasbaya wina kangbi sakan sainka Dawan brin daukras dukia nani daukan, baha tâwan sika pat witin nani ra kangbi sakan ba diara saura uya dauki kan mita, baku Dawan kupia sauhki banhwi kan.

2 King Nani 17:8

bara upla sât wala nani lukanka ra baman tauki kan, baha tawanka nani sika Dawan bui witin nani ai mawan wina kangbi sakan ba ai kupia ra briras kan, baku sin Israel kingka nani mita lâ nani bapan kata ba.

2 King Nani 18:4

Witin mita sika gâd bahki nani dukia tempel ra paskan kan ba sut sakan, bara sin ai gâdka bahki nani ra yaia walpa ni paskan kan ba sin sut sauhki tikan, bara Aserá lilka paskan nani bâra kan ba sin sut klakan, bara bras piutka Moses bui daukan kata ba sin kriki pîs ra yakabata, kan Israel luhpia nani ba baha yua kat sin ban dus kîa nani angki yabi kan, bara sin ai nina ba Nehustán mâkan.

2 King Nani 3:2

Witin lika Dawan nakra ra saura manis daukan, ai papika wih ai yapti saurka daukan baku lika daukras kan, witin sika walpa ni lilka ai aisika bui paskan kan ba, baha wina sakan.

2 Kronikas 14:2

Asá daukanka nani ba yamni wapni kan, Dawan ai Gâdka mawanra.

2 Kronikas 25:14

Amasías ba Edom uplika nani ra aiklabi pura luan, baha wina brih balan Seír gâdka nani ba, witinka ra mayuni sîka kîa yamni angkan.

2 Kronikas 33:2

Sakuna witin saura daukan Dawan mawanra, kan nisan wala nani saurka daukan, Israel luhpia nani mawanra bara Dawan mita kangbi sakata ba baku:

2 Kronikas 33:9

Sakuna Manasés daukan Juda bara Jerusalem ra aiska sut ba yabal saura ra wabia, bara saurka nani kau manis daukan, nisan wala nani Dawan bui sauhki tikata ba Israel wal.

Lawana Nani 101:3

sip kaikanki ba, mangki brimna apia, baha nani tanis tiwaia yabalka ra tauki ba ra. Misbara kaikisna baha nani Gâd lâka briras watauki ba, ¡swirka witin nani laimara sin balbia apia!

Impakan Sturka 20:3

“Man bui yang tnaiya ra gâd wala nani bripara.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Impakan Sturka 23:33

Witin nani ba man nani tasbayam ra swirka takaskaia lâka sin daukpara, witin nani kra mai munka, yang maipara saura yama kra sîa. Ai gâdka ra kra wih puram suni mayunma kaka, baha ba man nani kauhankam kabia tiwaia lâka ra.”

Impakan Sturka 32:20

bara bîp lilka daukan kan ba alki pauta ra lulkan, bara saki mil ra mangki wauhan, yamhpus takan ba kat. Bara yamhpuska ba lî purara yakaban, bara Israel luhpia nani ra munan laya ba upla sut di banhwan.

Isikiel 16:47

Witin nani nina bliki, dîa daukan saurka kata ba daukram; âmyapah apia, man daukankam ba kau saura kan, witin nani daukanka wal.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Libait Lâka 18:3

“Man nani Idsip uplika nani tilara iwi kapram ba, baha kuntrika uplika nani lâka ba nina blîkpara. “Kenan uplika nani daukanka ba nina sin blîkpara, bahara mai brih wamna tasbaya ra, witin nani lâka natka ra man nani iwma apia.

Libait Lâka 26:1

“Aidul nani bara upla lilka nani paskpara, man nani kuntrikam ra bahmuna walpaya bripara bara baha nani ra puram sunpara, kan yang sika man nani Dawan Gâdkam.

Kulki Kaikanka 25:2

Mairka nani ba mita witin nani ra paiwan ai gâdka nani ra sakripais dauki yaban piua ra. Bara Israel luhpia nani ba sin baha pata ba pih, Moab uplika nani gâdka ra bawi ai pura suni mayuni banhwi kan.

Kulki Kaikanka 33:52

upla nani bahara iwi ba sut kangs taki wabia. Lilka nani walpa ni, bras ni paski bapi bri ba sut sauhki tiks, ani ani pliska ra kabia, kiuhsi nani ra ai gâdka mayuni ba sut bataks.

Kli Smalkanka 12:3

Ai altarka nani ba slingbi tiki, walpaya nani ba sin pîs ra baman dauks, bara playka nani bapi ba ra mayuni nani ba sut angks lubia. Gâd bahki lilka nani ba sut sauhki tiks, nina ulban pliska nani ba sin diki sâks.

Kli Smalkanka 7:5

Man nani daukaia sma ba sika idan nani altarka sut batakaia, walpaya nani sut sauhki tikma, walpaya lal nani witin nani mayuni ba, aidulka nani sut angkma.