Impakan Sturka 23:20 - DAWAN BÎLA AISKA

²⁰ “Kaiks, yang insalki man nani tâmra blikamni kainam kaiki kaia ba dukiara, bara baha tasbaya man nani dukiamra ridi sakri ba kat mai bri wabia.

Impakan Sturka 23:20 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 24:40

Bara witin pana ai win: ‘Yang Dawan yabalka ra wataukisna, bamna witin mita ai insalka man wal blîkbia, bara impakankam ra yamni mai takbia, baku man luhpi maya kum pliki sâkma, yang aisiki taika nani ba tila wina.

Blasi Sturka 24:7

Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma.

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Lawana Nani 91:11

witin ai insalka nani, man ani anira wama ba main mai kaiki kaikbia.

Impakan Sturka 14:19

Baha pali piua kat, Gâd insalka bara kasbrika playka Israel luhpia nani tâura impaki kata ba, ai watlika ba wina kitwi taki, witin nani nina tani ra tawi aimakan.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Impakan Sturka 15:17

Dawanki, wan brih was man ilkam holikira ra bâra iwaia; baha ilka ba man mita bâk sakram, man bahara iwaia, iwaia watla man mihtam ni alki buki bapram ba.

Impakan Sturka 23:23

Yang insalki ba man nani kainamra impakbia bara mai brih wabia amorreo nani, hitita nani, ferezeo nani, Kenan uplika nani, heveo nani bara Jebús uplika nani tasbaya kat, baha nani ba yang mita ai wakia kira daikamna.

Impakan Sturka 32:34

Bamna nanara, man mahka was, uplika nani ba baha pliska brih waia mai wisatna ba ra brih was. Yang insalki tâm bri wabia. Klala yabaia yua ba balbia ba ra, witin nani saura daukan ba mana yang klala yabamna.

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Impakan Sturka 33:2

Bara man nani kainamra insal kum blikamna tâm bri waia. Bara kuntrika ba wina, Kenan uplika nani ba, amorreo nani, hitita nani, ferezeo nani, heveo nani bara Jebús uplika nani ba sut kangbi sakamna.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Kulki Kaikanka 20:16

Bamna yang nani Dawan ra makabri yabal kumi saki aikbia, bara witin wan inanka ba wali, insal kum blikan Idsip wina wan sakaia, bara baha mita sika yang nani nâra sna, Cadés tawanka ra man nani tasbayam piarkika ra.

Kulki Kaikanka 22:22

Balaam ai birikuka purara uli auya kan, ai albika wâl sin witin aikuki wan. Sakuna Gâd lika witin ra ai kupia baikan witin ban auya ba dukiara, bara Dawan insalka ba witin luaia kan ba yabalka kat buan, swika luaia apia dukiara.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Jan 14:3

Bamna yang wih pliskam ridi daukamna ba ningkara, kli balamna man nani mai brih waia, bara baku mika yang anira sna ba pliska ra man nani sin bâra kama.

Kli Smalkanka 33:2

naku natka ra: “Dawan ba Sainai ilka wina aula; Seír wina yawan ra ingwan. Parán ilka nani wina ingwan bara Meribá-cadés wina ban kitwisa; ai aihkika ra pauta klauhan lâ ba brih yawan ra aula.

Jasua 23:5

Dawan ba baha tasbaya ra iwi nani ba kangbi saki, bara man nani ra maikbia, dîa Dawan ai Gâdka pramis mai win ba kat.

Jasua 5:13

Yu kumi, Jasua Jeriko tawanka lamara bûi kan, witin ai lamara kaikan waitna kum sord kum ai mihta ra alki bri ai mawanra bûi kan. Jasua kau witin ai lamara dimi wan, bara waitnika ra makabi walan: —¿Man ba yawan uplika nani kum sma, apia kaka wan waihla nani wina kumika sma?

Jasua 5:14

—Kumi sin apia, wala ba sin apia —waitnika ba pana win—. Dawan aiklaklabra nani bri ba, baha nani pura wihtka baku yang balri. Bara Jasua lika witin mawanra ai mawan ai lal tasba kat bawan, bara makabi walan: —¿Dawan mita man nampakan ra dîa wiaia brin mai daukisa?

Jasua 6:2

Sakuna Dawan Jasua ra win: “Jeriko tawanka kingka bara suldiarka nani ba sin sut, man mihtam ra mangkri sa.