Impakan Sturka 23:13 - DAWAN BÎLA AISKA

¹³ “Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Impakan Sturka 23:13 ပူးပေါင်းရင်းမြစ်များ

Lawana Nani 16:4

Lilka nani bri ba, witin nani kau ailal daukbia, mayunra kau tara dauki kabia. ¡Tala laiwi sakripaiska nani dauki ba tilara kamna apia! Yang bîli ni baha nani nina mâkamna apia.

Lawana Nani 39:1

Yang wîri rayaki yabalka na main kaiki kaia, bara yang twisi ni saura daukaia apia wîri, uni nani ra wilkaika kum ni wilkamni, upla watawikira nani ba, yang maiwanra bûi ban sa bamna.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Kulki Kaikanka 32:38

Nebo, Baal-meón bara Sibmá tawanka nani ba kli paskan, tawanka nani tila nina ba sin nina wala mâkan, ban sin kum kum ba ai nina mangki banhwan.

Epesus 5:12

Kan baha nani yukuwan ra diara dauki ba nina mâki aisaia ba sin wan swira pali sa;

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Kli Smalkanka 12:3

Ai altarka nani ba slingbi tiki, walpaya nani ba sin pîs ra baman dauks, bara playka nani bapi ba ra mayuni nani ba sut angks lubia. Gâd bahki lilka nani ba sut sauhki tiks, nina ulban pliska nani ba sin diki sâks.

Kli Smalkanka 4:15

“Horeb ilka ra Dawan pauta klauhan lilapas wina man nani wal aisin piua ra, lilka kumi sin man nani kaikras kapram. Bamna aman kaiks,

Kli Smalkanka 4:23

Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Jasua 22:5

Diara kumi baman mamkabisna ba lika, Dawan napakanka Moses ai lâka bîla nani ba kasak daukma, ai lâka ba sin. Wibia kaka, Dawan ra bara man nani Gâdkam ra piua bani ai yabalka ra wapi kaia, ai lâka bîla nani wali daukma, bara ai nina bliki ai dukia daukma kupiam aiska kira bara sulkam aiska kira sin.”

Jasua 23:11

Bamna man nani pali aman damra wals, bara Dawan Gâdkam ra latwan kaiks.

Jasua 23:7

Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.