Impakan Sturka 23:1 - DAWAN BÎLA AISKA

¹ “Sturi kunin twilki bri si aisapara. Upla saurakira watawi man dauki uplika ba tâwan aimaki, witnis kunin aisi man mita tâ baikpara.

Impakan Sturka 23:1 ပူးပေါင်းရင်းမြစ်များ

Blasi Sturka 39:17

Bara witin dîa aisin ba baku, kli ai maya ra sin win: —Hibru waitnika wan albika man wan utla ra bri balram ba, yang rumki ra diman bara swiri tara daukaia ai munan.

2 Samuil 16:3

King ba makabi walan: —¿Anira sa dawankam mulika ba? Sibá pana win: —Witin Jerusalem ra takaskan, bara lukisa ai damika kingka lâka kan ba, nanara Israel luhpia nani witin ra laki yabia.

2 Samuil 19:27

Witin ba yang dukira king ra nini sauhkan. Ban sakuna, king ba Gâd insalka kum baku sa, bamna man dauks nahki kau yamni kaikisma ba kat.

Lawana Nani 101:5

Baha nani ba bîla prakaia daukamni yukuwan ra ai lamara iwi uplika nani ninara aisi ba; witin nani ba tara sa luki ba, ai mawan snungki aisi ba, ¡baha nani mapara sip kupi alki takaskras sni!

Lawana Nani 120:3

¿Man dîa kau briaia sip sma, twisa saura kunin aisasara?

Lawana Nani 15:3

witin lika upla ninara saura aisaras; ai uplika ra diara saura munras; upla ai lamara iwi ba mapara sin sturi saura bukras;

Lawana Nani 27:12

Waihli nani kupia lâka ra ai swipara; witin nani maipara saura aisi, kunin daihra kwahkaia buan sa.

Lawana Nani 35:11

Witnis watawi aisasara nani ba, maipara bûi banhwisa, bara diara tânka briras sna ba dukiara ai makabi walisa.

Impakan Sturka 20:16

“Man uplikam witniska kunin aisi pât ra lakpara.

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Sins Lâka 10:18

Misbara pura praki bri uplika ba kunin aisasara sa; nina sauhkan dahra kwahki ba, sins âpu nani warkka sa.

Sins Lâka 12:17

Kasak tânka aisi uplika ba kasakka lâka dahra aisi sakisa, sakuna witnis kuninkira maisa paki ba, kunin baman aisisa.

Sins Lâka 14:5

Witnis kasakkira sip kunin aisabia apia, kuna witnis kuninkira kunin nani man sâkbia.

Sins Lâka 17:4

Rugkira bara kuninkira ba wal, twisa saura aisi nani ra kasak bîla walisa.

Sins Lâka 19:28

Witnis bahki nani ba lika, lâ wapni aisi daukaia ba lawaska kikisa; bara upla watawikira bîla ba, saura lâka man aisisa.

Sins Lâka 19:5

Lâ mawanra witnis kuninkira ba lika, pâtkas kulkan kabia apia; bara kunin bîla aisi uplika ba sip swak takbia apia.

Sins Lâka 19:9

Witnis kuninkira ba lika pâtkas kulkan kabia apia; prura ba kuninkira ba bîla kaikisa.

Sins Lâka 21:28

Witnis kuninkira aisi uplika ba, sauhki tikan kabia; sakuna ya wali tânka ba uplika ba lika pana aisi ban kaia sip kabia.

Sins Lâka 24:28

Walkam mapara pâtka kaikras pali, witniska aimakpara; aisinkam nani ba sin kunin aisabiara.

Sins Lâka 25:18

Amar tara kum, sord malira, trisba tatwa kum baku sa, ¡baku sa ai uplika mapara witnis kunin aisi ba!

Sins Lâka 25:23

Yahbra payaska mita lî ba aula; bara wan twisa alhwan sakbi aisin ba mita wan mawan saura lawi baku sakisa.

Sins Lâka 6:19

Witnis kuninkira ai bîla wina kunin man aisi ba, bara ani uplika tuski unsaban daukisa ai muihni nani tilara.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Libait Lâka 19:11

“Man nani implikpara. Man nani kunin aisapara, pana pana kunin munpara.

Libait Lâka 19:16

“Upla nina aisi taukpara. “Man uplikam ikaia lâka dauki ba tilara dimpara. Yang sika Dawan.

Matiu 19:18

Wahma ba bila: —¿Ani lâka nani? Bara Jisas bila: —‘Upla ikpara; marit lâka sauhkpara, implikpara; uplikam ninara kunin aisapara;

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Luk 3:14

Suldiar tila nani sin makabi walan: —¿Yang nani dîa daukaia sna ki? Bara Jan bila: —Upla kumi ra sin taibi, apia kaka, diara saura daukan wisi, lalahka dakbi bripara; mamna maiki ba kat sin aitani kulks.

Jan 7:51

—Wan lâka ba kat sip apia sa, upla kum ra baku saura kulkaia, yawan pali mita witin dîa daukan tânka kau walras kaka.

Roman 3:8

Bamna baku kaka, ¿dîa muni wiras, saura ba daukbia, diara yamni ba balbia dukiara? Upla kum kum lukan saura brih aisisa, baku pali yang nani mita smalkisna; sakuna baha sât uplika nani ba pât ra dingkan kaia aitani sa.

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

Kli Smalkanka 5:20

‘Man uplikam witniska kunin aisi pât ra lakpara.

2 Timoti 3:3

Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia.

1 Pita 3:16

Kupiam dara walra nani ba klir bri bas, bara baku mika ya ya mita man nani Kraist nina blablikra, yamni wataukisma ba mampara saura aisabia ba, ai bîla nani aisuya ba dukiara ai swira lukbia.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.