Impakan Sturka 22:31 - DAWAN BÎLA AISKA

³¹ “Man nani ba, yang dukira baman bâk mai saki briri uplika nani sma. “Daiwan wail mita daiwan kum wîna ba kalki pîs ra daukan kaka, wînka ba pipara; yul nani ra dakaks.

Impakan Sturka 22:31 ပူးပေါင်းရင်းမြစ်များ

Esdras 9:2

Witin nani bara ai luhpia waitna nani ba sin, baha uplika nani luhpia mairin nani wal ai maya brisa; baha mita Gâd uplika nani ba upla wala nani wal miks takisa. Bamna wihta tara bara wihta sirpi nani ba sika, tâ brih baha saurka dauki ba.”

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Isikiel 44:31

Prîs nani ba piaia apia sa piawira kumi sin, apia kaka daiwan wala klauna pruan kaka, apia kaka daiwan wail mita pîs ra daukan ba.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 20:25

Baha mita man nani sin daiwan klin ba daiwan tâski nani ba wal kumi kulkaia apia sma, tnawira nani klin bara tâski nani ba sin aihka aihka kabia. Baha daiwan nani tnawira nani piuta nani tâka man nani tâski takpara.

Libait Lâka 22:8

Daiwan mita daiwan wala ikan wîna ba pibia apia, baha tâka witin tâski takaia apia sa. Yang sika Dawan.

Libait Lâka 7:24

Daiwan pruan nani, daiwan wail mita ikan daiwra batanka ba lika sip sa, diara wala daukaia dukiara ban briaia, sakuna piaia lika apia.

Apastil Nani Sturka 10:14

Sakuna Pita pana win: “Apia pali, Dawan, yang kau aima kumi sin bahmuna dukia saura tâski nani ba sât piras.”

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Kli Smalkanka 14:21

“Man nani ba tawan uplika kum, yamni mai kulkan sa Dawan Gâd dukiara; daiwan pruan kaka, kumi sin man nani pipara, sakuna upla tringsar nani man tawankam ra iwi nani ba ra yabaia sip sma, witin lika piaia sip sa. Bara tringsar nani impaki ba ra sin atkaia sip sma. “Guts luhpia ai yapti tialka laya ra ba pipara.