Impakan Sturka 22:21 - DAWAN BÎLA AISKA

²¹ “Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 22:21 ပူးပေါင်းရင်းမြစ်များ

Job 6:27

Man nani sip sma rau kum rayaka wal sin pulaia, bara pâmnika pali ba sin atkaia.

Lawana Nani 146:9

Dawan bui tringsar nani ra tâ baiki brisa; rau nani, piarka nani ra sin tâ baikisa; sakuna watawikira nani yabalka lika witin makupisa.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Libait Lâka 19:33

“Tringsar nani man nani tilamra iwi ba ra saura munpara.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Libait Lâka 25:35

“Man nani kiamkam tilam wina kum diara âpu takan, umpira sa kaka, bara witin ba man ra hilp pliki aula ba ra, hilp munaia kama upla tringsar kum baku, bara man wamtla ra plis yama.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kli Smalkanka 1:16

Baku sin, yang, man wihtkam nani ra smalkri nahki wark dauki kaia: ‘Upla sut wal aisaia bara lâka nani ba wapni daukaia, ai tasbaya luhpia nani lâka ba, tringsar nani lâka sin.

Kli Smalkanka 10:18

rau bara piarka nani lâka kasak daukisa, bara tringsar man nani tilamra iwi ba ra latwan kaiki, pata bara kwalka sin yabisa.

Kli Smalkanka 10:19

Bamna man nani bui tringsar nani ra latwan kaiks, kan man nani sin Idsip ra tringsar kapram.

Kli Smalkanka 15:15

Âmya lap tikaia apia, man sin Idsip ra alba kapram ba, bara Dawan Gâdkam pri lâka maikan, baha mita nanara yang naha adarka maikisni.

Kli Smalkanka 23:16

Swis witin ani tawanka kau laik taki, pliska sin laik takbia ba bahara man nani aikuki takaski iwi kabia, bara upla kumi sin witin ra trabil munbiara.

Kli Smalkanka 23:7

“Ban sakuna, Edom uplika nani ra kulkanka yaras kapara, kan baha nani ba man nani tamya sa, Idsip uplika nani ra sin, kan man nani lika witin nani ai kuntrika ra iwi kapram;

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’