Impakan Sturka 22:20 - DAWAN BÎLA AISKA

²⁰ “Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Impakan Sturka 22:20 ပူးပေါင်းရင်းမြစ်များ

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

2 King Nani 10:25

Jehú witin daiwan nani ba iki aiska angkan ba ningkara, aiklaklabra nani wihtka nani ra adar yabi win: —¡Nanara man nani bal dimi uplika nani ba iks! ¡Kumi sin swak takbiara! Bara Jehú uplika nani dimi, baha bilara upla nani bâra kan ba sut sord ni ikan. Bara saki lulkan ningkara Baal ra ai pura suni ba pliska kat diman.

2 Kronikas 15:13

Bara pramis taki banhwan, ani uplika, ya kabia Dawan plikras ba, Israel Gâdka ra, almuk, tuktan, waitna, mairin kabia, prura mihta ra mangkan kabia.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Impakan Sturka 34:15

“Baha tasbaya ra iwi uplika nani wal lâ kumi sin daukpara. ban kra witin nani gâd bahki nani bri ba ra ai pura sunbia lika, baha gâdka bahki nani ra sin diara angki yabia ba ra, man nani ra sin mai paiwbia baha gâdka ra angki yan ba wina piaia,

Isikiel 20:7

Bara kumi bani ra adar yabri ai gâdka nani yamni kaikras sna âpu daukbia bara Idsip aidulka nani brih wapaia apia, kan yang, Dawan, Gâdka sna bamna.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Libait Lâka 19:33

“Tringsar nani man nani tilamra iwi ba ra saura munpara.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kulki Kaikanka 21:3

Israel luhpia nani makabanka ba Dawan walan bara tâ baikan Kenan uplika nani ra pura luaia, bara Israel luhpia nani mita Kenan uplika nani ra âpu pali daukan bara tawanka nani ba sin, baha tâka sika pliska ba nina Hormá mâkan.

Kli Smalkanka 10:18

rau bara piarka nani lâka kasak daukisa, bara tringsar man nani tilamra iwi ba ra latwan kaiki, pata bara kwalka sin yabisa.

Kli Smalkanka 18:20

Sakuna prapit ra, yang diara wiras kapri nini bri aimayuni aisi ba, apia kaka gâd wala nani nina brih aisi ba, witin ba pruaia pâtka ra lakan kabia.’

Kli Smalkanka 23:8

ai kiamka nani yumhpa kat ba sip sa Dawan daknika ra dimaia.

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.