Impakan Sturka 22:10 - DAWAN BÎLA AISKA

¹⁰ “Upla kum ai uplika ra yamni kulki ba mita, ai bîpka wainhka kum sapa, ai birikuka sapa, ai sîpka, apia kaka ani daiwra sâtka kum sapa mihta ra mangkan sa kaka, bara baha daiwra ba pruan, latwan brin, apia kaka implikan, bara upla kum sin kaikras kan kaka,

Impakan Sturka 22:10 ပူးပေါင်းရင်းမြစ်များ

Blasi Sturka 39:8

Sakuna Josep baku daukaia brin daukras kan. Bamna pana witin ra win: —Man kaiks, yang dawanki ai dukia nani sut ba yang mihti ra swin sa, nanara yang nâra sna, witin ai lal latwan âpu sa.

Impakan Sturka 22:11

baha uplika mita Dawan nina mâki wiaia sa naha daiwan dawanka ra, witin mita daiwan na ikras, apia kaka implikras, latwan sin yaras; baku daiwan dawanka ba, witin ai bîla ra kasak kulkbia, bara witin daiwan dawanka ra diara aibapbia apia.

Impakan Sturka 22:9

“Diara tiwan dukia kaka, upla kum baha ai dukia wisi brisa kaka, bîp wainhka sapa, biriku, sîp, kwala sapa, apia dîa dukia wala kra kabia bara upla wala bal baha witin ai dukia wisa kaka, naha uplika wâl na Dawan mawanra brih waia sa. Bara ani ba pâtkira takuya kaka, witin mita ai walka ra aima wâl prais dukia tiwan kan ba mana aibapaia sa.

Luk 12:48

Sakuna ani albika ai dawanka dîa brin dauki ba tânka briras, bara witin diara nani daukan ba tâwan prukaia aitani kabia, sakuna wiria baman klala yan kabia. Ani uplika ra uya yan ba, baku sin witin wina kasak makaban kabia; bara ani uplika mihta ra diara kasak mangkan ba, witin wina sin kau diara ailal makaban kabia.

Luk 16:11

Bamna naha tasba dukia saura nani wal sip pain apia sma kaka, ¿ya mita sip kabia diara manira nani ba mihtam ra mangkaia?

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.