Impakan Sturka 20:8 - DAWAN BÎLA AISKA

⁸ “Ris yua ba, man nani âmya ra bri kupiam krauki bas, Dawan ra kulkanka yabaia yua ba.

Impakan Sturka 20:8 ပူးပေါင်းရင်းမြစ်များ

Blasi Sturka 2:2

Gâd ai warkka nani daukan ba yu 7 kat paski tnata alkan, bara ris brin.

Blasi Sturka 2:3

Bara Gâd bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Nihimaya 9:14

Bara witin nani ra sin smalkram, man yuam ra ris briaia ba aihka saki sunu pali kulkaia, bara lâ smalkanka nani ba sin yaram albikam Moses mita smalkan ba.

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 31:12

Dawan ba Moses ra aisi, naku win:

Impakan Sturka 35:1

Moses bui Israel luhpia nani sut paiwan, bara naku win: “Naha lâka nani na Dawan wina aikan sa yawan nani daukaia.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Jirimaya 17:21

Dawan aisisa: Ris yua ra man nani rayakam ra luki kaiki, man nani diara twilki bal Jerusalem getka nani ra dimpara.

Jirimaya 17:22

Wamtla wina sin ris yua ra diara twilki sâkpara, baha yua ra wark kumi sin daukpara. Baha yua ba yang yui aik, damikam nani ra aisi adar wîri ba baku.

Jirimaya 17:24

‘Yang, Dawan ba, kasak aisisni: Man nani bîli wali dauks kasak aisisna, ris yua ra man nani diara kwahki bal tawan ra dimpara; baha yua ba yang yui aik, bara wark wala baha yua ra daukpara.

Isikiel 20:20

bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 19:30

“Man nani sabat yui nani ba kulki bas, holi pliska lâka ba yamni kulki bas. Yang sika Dawan.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Libait Lâka 26:2

Sabat yui nani ba kulkanka yabi bas, kan yang yui bamna, bara pura sunra watla ba sin kulki kama: yang sika Dawan.

Kulki Kaikanka 15:32

Israel luhpia nani upla iwras tasbaya ra tauki kan ba piua ra, kaikan waitna kum ris yua ra pauta wahbi tauki kan.

Kli Smalkanka 5:12

‘Ris yua ba man kulki bas, Dawan ra kulkanka yabaia yua ba. Dawan ai adarka mai win ba baku.