Impakan Sturka 20:5 - DAWAN BÎLA AISKA

⁵ Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 20:5 ပူးပေါင်းရင်းမြစ်များ

2 Samuil 21:1

Debit king aimaki kan ba piua ra, mani yumhpa plun âpu kan, mani bani plun tiwi kan. Bara Debit baha dukiara Dawan wal aisin, bara Dawan pana witin ra win: “Plun wahwan ba lika Saúl bara ai taya nani tâka mita balan, witin nani bui Gabaón uplika nani ra ikan ba mita.”

2 Samuil 21:6

brin wan daukisa waitnika ba kiamka wina, taika 7 yang nani mihti ra mangkma, bara yang nani bui pami swimna Guibeá Saúl tawanka ra, Dawan mawanra. Dawan bui bâk sakan kingka ba. King ba aitani lukan baha nani ba witin nani mihta ra mangkaia.

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

1 King Nani 21:29

“¿Man kaikras sma ki, Ahab nahki yang laimara bawan lâka bri ba? Bamna yang laimara bawan ba mita, witin ai yua nani ra pât saura bri balamna apia, raya piua ra ai luhpia nani ra saura lâka ba brih wamna.”

2 King Nani 17:35

Dawan ba witin nani wal lâ daukan ningkara, naku adar yan: “Gâd bahki nani ra kulkanka yapara, mayuni warkka sin daukpara, ba purkara sin daiwan iki angki witin nani ra sin mayunpara, sakripais sin dauki yapara.

2 King Nani 23:26

Baha yamnika nani daukan ba sut purkara Dawan lawanka ba sip takaskras kan Juda mapara, baha Manasés daukanka saura mita ai kupia sauhkan kan bamna.

2 King Nani 5:18

Dawan ra diara kumi baman makabisna pâtki swih tikbia: ani yua ra yang wihtki Rimón tempel watla ra mayunaia wabia ba ra, yang mihti ra alki ai lula krikaia, yang sin witin wal alki Rimón tempelka watla ra luli krikamna. Bara Dawan ba naha dukiara ai albika pâtka ba ban swih tikbia.

2 King Nani 5:27

Baha tâwan, Naamán liparka ba man ra mai alkbia, ba purkara sin man kiamkam nani sut ra ban kaia ra. Bara Guehazí ba Ilaidsa mawan wina taki wan ba ra, liparkira taki wan, pihni pali wahmuk pinhka baku.

2 Kronikas 25:14

Amasías ba Edom uplika nani ra aiklabi pura luan, baha wina brih balan Seír gâdka nani ba, witinka ra mayuni sîka kîa yamni angkan.

2 Kronikas 7:19

Sakuna man nani ba yang yabalki wina laihura taki ai kulkras, lâika kat daukras kama kaka, gâd bahki nani dukia dauki bara mayunma kaka,

Job 21:19

Baku wisa Gâd bui papika nani saurka ba, luhpia nani ra ni kulkan sa, sakuna baha lika witin ai saurka pali, lawan tara wal munka aibapaia sa.

Job 5:4

Ai luhpia nani ra hilp munaia upla âpu sa; lâ dadaukra nani ba mita pâtkira pali baku kulkan sa; witin nani tâwan aisaia upla âpu sa.

Lawana Nani 109:14

Ai aisika nani watawanka ba, Dawan ai kupia kraukbia, bara ai yaptika saurka ba sin, diki tikan kabia apia;

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Lawana Nani 79:8

Wan damika nani watawika ba, yang nani ra aibapaia ai kulkpara; ¡lamtwanka aiska ba yas yang nani ra balbia, kan yang nani swapi banhri sa!

Lawana Nani 81:15

Dawan ra misbara kaiki ba sut sirang iwi kauhaia kan, bara ai pâtka ra kauhanka ba sîl mangki swiaia kapri.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 34:14

“Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Aiseya 44:15

Baha wina upla hilpka takisa, angkaia dukia bara pauta ailahkaia; kubus ra sin mukisa, bara plun nani sin piakisa; baha purkara sin baha wina gâd bahki kum lilka daukisa, bara bahara mayunisa; aidul kum paskisa, bara witin mawanra ai lula krikisa.

Aiseya 44:19

Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”

Jirimaya 2:9

“Baha mita, yang Dawan ba, kasak aisisni: Daukaia piua kum kau mangkaisna man nani mampara bara mulam nani mapara sin.

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Isikiel 18:19

Man nani makabi walma: ‘¿Dîa muni luhpia ba ai aisa saurka mana sin aibapras?’ Kan luhpia ba wapni bara kasakka ba kat daukan bara yang lâika bîla nani ba kat daukan bara iwan: bamna kasak aisisna raya kabia.

Isikiel 18:2

“¿Dîa muni Israel ra aisanka kum ba ban aisisa, naku wi ba: ‘Aisika bara yaptika nani ba wain swahni pîsa, bara luhpia nani ba napa srimisa’?

Isikiel 20:7

Bara kumi bani ra adar yabri ai gâdka nani yamni kaikras sna âpu daukbia bara Idsip aidulka nani brih wapaia apia, kan yang, Dawan, Gâdka sna bamna.

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Isikiel 8:3

Bara baha uplika ai mihta sakban, bara tâiwa ra alkan; bara Gâd karnika ba mita pâsa purara ai bukan, Gâd mita lilka nani daukan ba natka ra, Jerusalem ra ai brih wan, bara tawan bîla getka dimaia kat ai swin, baha wina yahbra tani ra tawi ba bahara sika aidul Dawan kupia tuski kupia baiki ba bâra kan.

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Daniel 3:18

Ban kra baha daukras kabia kra, sakuna man naha na pain tânka bri bas, yang nani lika gâdkam nani ra baha lilka man daukram ba ra sin bawi mayuni banhwamna apia.

Libait Lâka 20:5

yang lika witin ai mapara buamna, ai watla uplika sut mapara sin, ya ya witin wal ai pânika Moloc nina blikan ba sut mapara buamna, tawan tila wina âpu daukamna Moloc nina blikan nani ba.

Libait Lâka 26:1

“Aidul nani bara upla lilka nani paskpara, man nani kuntrikam ra bahmuna walpaya bripara bara baha nani ra puram sunpara, kan yang sika man nani Dawan Gâdkam.

Libait Lâka 26:29

Bara man nani lika luhpiam waitna bara luhpiam mairin nani ba pima.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Kulki Kaikanka 14:33

Luhpiam nani ba naha upla iwras tasbaya ra 40 mani sepad nani baku tauki kabia. Baku man nani lukraskam lâka brisma ba mana witin nani aibapbia, man nani sut naha upla iwras tasbaya ra pruma ba kat.

Kulki Kaikanka 25:11

—Finees daukan ba mita, Israel luhpia nani mapara lawanki ba wiria takaskamna. Yang baha nani tâwan lawisna ba baku, witin sin tâwan lawi kan. Baha mita lawanki aiska ba witin nani mapara brih waras takaskri.

Matiu 4:9

Bara witin bila: —Lulam kriki bara yang ra mayunma kaka, naha sut yang maikamna.

Jan 15:18

“Tasba uplika nani mita man nani ra misbara mai kaikisa kaka, kupiam krauki bas yang ra sika pas misbara ai kaikan ba.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 9:2

Bara ai disaipilka nani ba mita, witin ra makabi walan: —Smasmalkra, ¿dîa kan naha waitnika na blain aisubi takan ki? ¿Dîa ai aisika nani saurka ba mita, apia kaka witin ai saurka ba mita ki?

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.

Kli Smalkanka 5:10

sakuna baha nani latwan ai kaiki, lâ yabri ba kat dauki nani ba, kiamka tausin nani ra latwan kaikisna.

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

Kli Smalkanka 6:15

Dawan Gâdkam man nani aikuki ba, Gâd kum lalawra sa, man nani mampara ai kupia sauhki, sip sa aiska mai sauhki tikaia.

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Jasua 23:7

Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.

Jasua 24:19

Sakuna Jasua bui witin nani ra win: —Man nani sip Dawan warkka daukras, kan witin lika Gâd kum holikira sa, bara ai nina tâwan lalawra sa, ban swibia apia kiamapara nani ra bara man nani saurkam daukisma ba sin.

Wihta Nani 2:19

Sakuna wihta ba pruya ba ra, witin nani kli saura taki kan, bara ai damika nani saura dauki kan ba wal kau saura dauki kan, gâd wala nani mayuni dukia dauki kan. Ai natka saura nani dauki ba sip lulki swiras kan, bara ai tânka saura kiama karna lâka ba sin swiras kata.