Impakan Sturka 20:3 - DAWAN BÎLA AISKA

³ “Man bui yang tnaiya ra gâd wala nani bripara.

Impakan Sturka 20:3 ပူးပေါင်းရင်းမြစ်များ

1 King Nani 11:4

Bara Salaman ba pat almuk takan kan, bara ai mairka nani bui munan ai kupia laki gâd bahki nina blikan, baha mita ai kupia aiska ba Dawan ai Gâdka ra yaras kan, ai papika Debit daukan ba baku.

Lawana Nani 29:2

Dawan ra ai nina mayunra prana ba yas; Dawan ra mayuns, Dawan wal aisaia watla pranakira ra.

Lawana Nani 73:25

¿Yang ba laih kasbrika purara ya brisna ki? ¡Man baman mai brisna! ¡Man wal sna bara naha tasba wina diara brin ai daukras!

Lawana Nani 81:10

Yang sni man Dawan Gâdkam, yang sika Idsip tasbaya wina mai sakri ba, bîlam ba kwâks, bara âuyapah mai daukamni.

Lawana Nani 81:9

Gâd tringsar nani dauki bripara; gâd tringsar nani ra mayunpara.

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 22:19

“Yamna daiwan kum wal yapbia kaka, witin ba lâka aisi dauki ikan kaia sa.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 32:8

Witin nani lika yang yabalki marikri ba wina tnaya ra tawan sa. Witin nani bîp lilka kum paski, bahara mayunisa, sakripais sin angki daukan, bara witin nani sin aisisa: ‘¡Israel, naha sika dawankam ba, Idsip tasbaya wina mai sakan ba!’

Impakan Sturka 34:14

“Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 46:9

man nani kupiam krauki bas, blasi pali piua wina pat taki lui wan ba. Yang sika Gâd, bara wala kumi sin âpu sa; yang sika Gâd, yang wal baku wala âpu.

Jirimaya 25:6

Man nani bui gâd wala nani nina blîkpara; baha nani ra puram suni mayunpara. Dawan kupia tuskpara baha gâdka nani man nani paski baha ra mayunisma ba tâka, witin bui man nani ra diara saura kum sin blîkbia apia.’

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Daniel 3:18

Ban kra baha daukras kabia kra, sakuna man naha na pain tânka bri bas, yang nani lika gâdkam nani ra baha lilka man daukram ba ra sin bawi mayuni banhwamna apia.

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Kli Smalkanka 5:7

‘Man bui yang tnaiya ra gâd wala nani bripara.

Kli Smalkanka 6:14

Tawan lamamra iwi nani ba Gâd wala nani ra mayuni kaka, baha nani ninara wapara.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”

Wihta Nani 6:10

Bara yang bui man nani ra mai wîri, yang sika man nani Dawan Gâdkam. Bara man nani amorreo nani gâdka ba sîa briaia apia sma, witin nani ai tasbaya ba ra man nani iwaia sma; sakuna man nani bui yang bîli walras sma.’ ”