Impakan Sturka 20:24 - DAWAN BÎLA AISKA

²⁴ Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Impakan Sturka 20:24 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

2 Samuil 6:12

King Debit ra win taim Dawan lâka auhbaia watla ba Obed-edom watla ra swin kan, bara Dawan bui witin ra, ai taya nani ra bara ai dukia nani ra sin yamni munan ba, Debit liliakira wan bara Obed-edom watla wina Dawan lâka auhbaia watla ba saki, Debit Tawanka ra brih wan.

1 King Nani 8:29

Man lika naha tempelka na kakna bara tihmia aihwaki kaiki kama, naha tempelka ra man wiram bâra kaia, man wali kama albikam naha tempelka ra bal, ai pura suni piua ra.

1 King Nani 8:43

Man kasbrika purara ba wina walma, iwaikam ba wina. Bara tringsar nani dîa mangkbia ba kat dauki yama, baku ba ra tasba aiska ra iwi uplika nani ninam ba kakaira takbia, bara sibrinkam sin bribia, tawankam Israel luhpia nani baku baha tânka bribia. Bara tânka bribia, man ninam naha tempelka watla ra yang bui maikri ba ra mayuni ba.

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

2 King Nani 5:17

Bara Naamán mita win: —Ban kaka, aikrika Israel tasbaya na wina tasba muyul nina wâl brih wamna, kan nanara wina albikam na gâd bahki nani ra daiwan wîna aiska angki yabamna apia, sakripais sin gâd wala nani ra daukamna apia, sakuna Dawan ra baman.

2 Kronikas 12:13

King Roboam ba ai karnika ba kau brin Jerusalem ra, bara ban king aimaki kan. Witin nan king aimakan ba ra pat 41 mani bri kan, bara witin 17 mani king aimakan Jerusalem ra, baha sika Dawan mita bâk sakan tawanka ba Israel kiamka nani bahara kaia dukiara. Roboam yaptika nina ba Naamá kan, Amón wina.

2 Kronikas 6:6

Sakuna Jerusalem ba bâk sakri, bahara yang nini ba bâra kaia, bara Debit ba bâk sakri Israel upliki nani ra tâ briaia.’

2 Kronikas 7:16

kan naiwa wina bâk saki briri, bara naha watla ba holikira sa, nini ba ban kaia ra bâra kabia, bara naikra nani bara kupi sin bâra kabia ban kaia ra.

Esdras 6:12

¡Bara Gâd Jerusalem ra ai nina bâra kaia wahbi bâk sakan ba bui ani kingka, apia kaka ani nisanka bal Dawan tempelka ba sauhkaia, apia kaka, warkka ba takaskaia trai munbia uplika nani ra, sauhki tikan kabia! Yang, Darío, baha adarka ba yâri sa. Bamna dîa ulbri ba kat daukan kabia.”

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Lawana Nani 101:2

wapni wapi nani aikuki iwaia brin ai daukisa. ¿Ahkia yang ra balma? Yang wapanki ba tâski âpu kabia king iwaika watla pali ba ra sin;

Lawana Nani 122:2

Jerusalem, ¡yang nani pat wamtla bîla durka ra sni!

Lawana Nani 128:5

¡Dawan Saion wina yamni mai munbia! ¡Man kaiki kama Jerusalem wina yamnika nani ba man raya sma piuam nani sut ra!

Lawana Nani 134:3

¡Dawan kasbrika purara ba Papaskra pali ba, Saion ilka ba wina yamni mai munisa!

Lawana Nani 74:7

Man wal prawaia watla kata angkan luan; tempelkam kata ba sin bahki kulkan, bara tasba kat bataki yakaban.

Lawana Nani 76:2

Witin ai tempelka ba Saion ilka purara sa, Jerusalem ra;

Lawana Nani 78:68

Juda kiamka ba ni bâk saki brin, Saion ilka latwankira ba sin.

Impakan Sturka 10:25

Kuna Moses pana aisi, win: —Apia, man baku wisma kaka, daiwan nani briaia sna ba, man mita saki aikma, bara yang nani baha bri sakripais dauki angki, Dawanki Gâdki ra mayunra yamni kulkan lâka ba dauki yabamna.

Impakan Sturka 18:12

Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.

Impakan Sturka 20:25

Bara yang duki walpa wina altar kum paskma kaka, walpaya ba kusbi daukan walpaya kaia apia sa. Kusbi daukma kaka, aitani kulkan walpaya apia sa, altarki wiaia.

Impakan Sturka 24:4

Bamna Moses diara sut ulban Dawan mita witin ra wisata ba, bara yu wala titan pali ra buan, altar kum paskan il ba mâyara; bara walpa nani 12 ba ra bri sal swin, Israel kiamka kumi bani dukiara walpa kum.

Impakan Sturka 24:5

Ningkara wahma nani tila wina kum blikan wan, bîp wainhka nani ikaia, bara baha ba angki, Dawan ra sakripais dauki yaia, wal kli ai uplika taki sakripaiska tânka.

Impakan Sturka 27:1

“Akasia dusa ni altar kumi paskma bara tnaya walhwal ba yahpika ba wal baku kabia, tnaya bani ba yarika 7 pît pura bakriki kabia, 4 pît pura bakriki purara.

Aiseya 64:5

Man brisma yaura yamni ba daukaia, lilia lâka ni; bara kupiam krawisa piua ra man dîa daukaia want sma ba kat daukisma. Man kupiam baikram kan, yang nani mampara saura daukri bamna; baha saurka lâka ra yang nani piua wihka iwri.

Libait Lâka 17:9

Gâd wal aisaia tintka watla ra baman brih wabia, Dawan ra prisantka yabia, baku daukras sa kaka, uplika ba upla wala nani tila wina sakan kabia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 18:20

Kan ani anira upla wâl, apia kaka yumhpa yang nini ra asla prawbia kaka, yang sin bahara witin nani lilapas kat sni.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:21

Sakuna Dawan Gâdkam bui ai nina bâra kaia dukiara plis kum aihka sakan ba, man nani iwisma ba wina laihura sa kaka, yang mai wîri ba baku bîpkam bara sîpkam nani Dawan wina maikan ba, sip sma man nani bahara iwma ba ra iki piaia.

Kli Smalkanka 12:5

Man nani kiamkam ra, Dawan bui plis kum saki maikbia witin ai nina bâra kaia pliska, bara man nani baha pliska ra wih mayuni kama.

Kli Smalkanka 14:23

Witin ai nina bâra kaia pliska aihka sâkbia ba ra man nani plawarkam, wainkam, batankam laya matawalsipka nani, bara bîpkam, sîpkam tawahkia nani wîna bahara man nani Dawan Gâdkam lamara mai kaiki ba ra pis, baha pliska witin bâk sakan ba ai nina bâra kaia mata, bara lan takma witin ra ban tara kulki kaia dukiara.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.