Impakan Sturka 20:23 - DAWAN BÎLA AISKA

²³ Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Impakan Sturka 20:23 ပူးပေါင်းရင်းမြစ်များ

2 King Nani 17:33

Baku bamna, Dawan ra mayunra yabi kan sakuna, silp ai gâdka bahki nani ra sin mayuni kan, ani tasbaika wina witin nani balan kan ba natka ba kat, ban dauki banhwi kan.

Impakan Sturka 32:31

Bamna Moses kli Dawan ra wan, bara naku win: —Rait pali naha uplika nani na saurka tara kum daukan sa, kan witin nani gul ni gâd kum paskan ba mita.

Impakan Sturka 34:17

“Piu kumi sin man nani mihtam ni gâd bahki slilki paski dauki bripara pali.

Isikiel 20:39

‘Israel luhpia nani, Dawan naku aisisa: ¡Man nani aidulkam nani ra mayunaia was...! Sakuna baha ningkara man nani bîli wali daukma, bara yang nini holikira ba kli tâski daukma apia, baha prisantka nani ba yabi aidulkam nani ra puram suni.

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 29:17

bahara yawan kaikan gâd kuninkira nani aidul nani dus ni paskan, aitani kulkanka âpu ba, walpa, silbar bara gul ni paskan, baha uplika nani mayuni ba.

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.