Impakan Sturka 20:20 - DAWAN BÎLA AISKA

²⁰ Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Impakan Sturka 20:20 ပူးပေါင်းရင်းမြစ်များ

Blasi Sturka 20:11

Bara Ebraham pana witin ra win: —Yang lukri naha tasbaya ra Gâd ra kulkaia lâka ba âpu sa; bahamna yang mayi ba tâwan, yang ra ai ikbia luki, baha mita baku wîri.

Blasi Sturka 22:1

Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Aiseya 8:13

Karnika sut bri Dawanka ra man nani holikira kulks; man nani sibrinkam ba witin ra kabia; man nani bui witin ai mawan sîa bri bas.

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 6:24

Dawan wan Gâdka wan blikan naha lâka nani ra sut yawan trai kaikaia bara tara kulkaia, yamni waia wan rayaka sin main kaiki bri kaia nanara baku.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Samuil 12:20

Samuil pana win: —Man nani si bripara. Kasak sa man nani saura daukram ba, sakuna kupiam aiska kira Dawan ra mayunra ba dauki yas.