Impakan Sturka 20:2 - DAWAN BÎLA AISKA

² “Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 20:2 ပူးပေါင်းရင်းမြစ်များ

1 King Nani 18:39

Upla nani baha kaiki, tasba kat bawan, bara win: “¡Dawan sika Gâd sa, Dawan Gâd sa!”

2 King Nani 17:12

Bara witin nani ba gâd bahki nani ra mayunan, Dawan pat win kata bahmuna daukaia apia.

2 King Nani 17:7

Naku takan Israel luhpia nani ba Dawan ai Gâdka mapara saura daukan ba mita, ai dahra walras kan witin mita Idsip tasbaya wina sakan kata ba king fero mihta ba wina, kan gâd bahki nani ra mayuni dukia dauki kan,

2 Kronikas 28:5

Baha tâwan Dawan Gâd mita witin ba Siria kingka mihta ra mangkan, bara Siria uplika nani mita pura luan, upla uya Damaskus ra bri si silak ra mangkan. Dawan mita Israel kingka nani mihta ra sin mangkan, bara baha nani mita sin pura luan bara ikan.

Lawana Nani 50:7

“Israel, upliki nani sma ba, wals; yang bui man nani ra diara tânka param sakaisna. ¡Yang sika Gâd! ¡Yang sika man Gâdkam!

Lawana Nani 81:10

Yang sni man Dawan Gâdkam, yang sika Idsip tasbaya wina mai sakri ba, bîlam ba kwâks, bara âuyapah mai daukamni.

Lawana Nani 81:11

“Sakuna upliki ba walan daukras kan; ¡Israel ba bîli walan daukras sa!

Lawana Nani 81:7

Trabilkam ba wina ai winram, bara swaki mai sakri; kasbrika ringbi ba tila wina unam kahbatni; Meribá awalka lamara traikam kaikatni.

Impakan Sturka 13:14

Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 20:1

Naha bîla nani sut na Gâd aisi, win:

Impakan Sturka 29:46

Bara baku witin nani tânka bribia yang sika witin nani Dawan Gâdka sna ba, Idsip wina bri sal sakri witin ai tilara iwaia. Yang sika witin nani Dawan Gâdka sna.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Aiseya 43:3

Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Jirimaya 16:14

“Sakuna piua kum balbia —yang, Dawan, kasak aisisna— witin nani kli swer taki aisi kabia apia: ‘Dawan raya, Israel luhpia nani ba Idsip wina saki bri balan’,

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 34:13

“Yang, Dawan, Israel Gâdka, man nani damikam nani Idsip wina sakri taim witin nani wal lâ kum daukri, bahara witin nani alba warkka dauki kan. Witin nani ra wîri

Isikiel 20:19

Wîri: Yang sika man nani Dawan Gâdkam. Lâika bîla ba kat, ulbanka ba kat sin daukbia,

Isikiel 20:5

Witin nani ra wis: ‘Dawan naku aisisa: Israel bâk saki briri piua ra, wal lâ kum swer takri ai kiamka nani dukiara bara yang lika witin nani ra param takri Idsip ra. Naha baman yang bui witin nani ra swer takri: Yang sika man nani Dawan Gâdkam.

Isikiel 20:7

Bara kumi bani ra adar yabri ai gâdka nani yamni kaikras sna âpu daukbia bara Idsip aidulka nani brih wapaia apia, kan yang, Dawan, Gâdka sna bamna.

Oseas 12:10

“Yang mita prapit nani ra aisari bara diara nani bal takaia lilka ba ailal marikri, witin nani aisinka bâk dahra praki aisaia bîla nani manis aisari.

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Libait Lâka 11:45

Yang sika Dawan Gâdkam, Idsip wina mai saki mai bri balri Gâdkam kaia, baku bamna man nani holikira kaia sma, kan yang holi sna.”

Libait Lâka 19:36

Diara sut aitani kat daukaia dukiara, paun ba, skwir ba, lain ba briaia sma. Yang sika man nani Dawan Gâdkam, Idsip wina mai sakri ba.

Libait Lâka 23:43

Bara baku man nani kiamkam wala nani ba sut tânka bribia, Idsip wina man nani mai sakri ba ra, yang daukri man nani utla papakni nani dimi kaia, Yang sika man nani Dawan Gâdkam.”

Libait Lâka 25:38

Yang sika man nani Dawan Gâdkam, Idsip wina mai sakatna ba, Kenan tasbaya maikaia bara man Gâdkam kaia.

Libait Lâka 25:42

Witin nani ba yang albiki sa, yang bui Idsip wina mai sakri, bara alba baku atkan kabia apia.

Libait Lâka 25:55

kan Israel luhpia nani ba yang albiki nani, yang pali albiki nani sa; yang bui Idsip wina witin nani sakri. Yang sika man nani Dawan Gâdkam.

Libait Lâka 26:1

“Aidul nani bara upla lilka nani paskpara, man nani kuntrikam ra bahmuna walpaya bripara bara baha nani ra puram sunpara, kan yang sika man nani Dawan Gâdkam.

Libait Lâka 26:13

Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Roman 10:12

Bamna Ju nani wihki Ju apia uplika nani ba wal lika sât aihka apia sa; kan Dawan ba lika upla sut Dawanka sa, bamna ani uplika nani witin ai nina mâki wini ba sut ra yabisa.

Roman 3:29

¿Dîa Gâd ba Ju nani baman Gâdka sa ki? ¿Ju apia uplika nani dukia sin apia? Latan sa nisan nani sut Gâdka sa.

Kli Smalkanka 13:10

Idsip ra alba ra kapram, Dawan Gâdkam baha wina mai sakan ba tnaya ra mai lakaia dauki ba tâwan walpa ni sas, ikma ba kat.

Kli Smalkanka 15:15

Âmya lap tikaia apia, man sin Idsip ra alba kapram ba, bara Dawan Gâdkam pri lâka maikan, baha mita nanara yang naha adarka maikisni.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 5:15

Kupiam krauki bas man nani Idsip ra alba katma ba, bara Dawan Gâdkam ai karnika tara bri ba baha wina mai sakan. Baha mita Dawan Gâdkam bui adar maikan ris yua ba kulkaia.

Kli Smalkanka 5:6

‘Yang sika man Dawan Gâdkam, Idsip tasbaya ra alba kapram ba wina mai sakri ba.

Kli Smalkanka 7:8

Dawan Idsip wina mai sakan, man nani alba kapram, karnika tara ni king fero karnika wina pri mai sakan. Latwan mai kaikisa bara man nani almukkam nani ra pramis daukan ba daukaia want sa.

Wihta Nani 2:1

Dawan insalka ba Guilgal wina Boquim ra wan, bara Israel luhpia nani ra win: “Yang lika Idsip wina man nani mai sakri, bara naha tasbaya kat mai bri balri, man nani damikam nani ra yabaia pramis munri ba. Bara witin nani ra wîri: ‘Man nani wal yang lâika daukri ba, yang kli bîli wala lakamna apia,

Wihta Nani 6:10

Bara yang bui man nani ra mai wîri, yang sika man nani Dawan Gâdkam. Bara man nani amorreo nani gâdka ba sîa briaia apia sma, witin nani ai tasbaya ba ra man nani iwaia sma; sakuna man nani bui yang bîli walras sma.’ ”