Impakan Sturka 20:18 - DAWAN BÎLA AISKA

¹⁸ Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan.

Impakan Sturka 20:18 ပူးပေါင်းရင်းမြစ်များ

Blasi Sturka 15:17

Bara baku pat yu dimi tihmia iwan ba ra, witin kaikan kubus kum bal takan kiasma baman taki kan, bara pauta klauhan kum daiwan wîna nani klakan ba lilapas bâk ami lui wan.

Blasi Sturka 3:10

Bara witin pana win: —Giadin ra tauki kapram ba yang walri, bara sibrin ai daukan, kan yang susu katna bamna; bara yang yukuwri.

Lawana Nani 81:7

Trabilkam ba wina ai winram, bara swaki mai sakri; kasbrika ringbi ba tila wina unam kahbatni; Meribá awalka lamara traikam kaikatni.

Jirimaya 23:23

Dawan ba kasak aisisa: “Laihura, apia kaka lamara kra, yang sika Gâd.

Kli Smalkanka 18:16

Naha na man nani lukankam pali sika, Horeb ilka ra sut asla taki makabi bara wiram: ‘Yang nani kli Dawan wan Gâdka bîla baikra walaia apia, naha pauta klauhan na sin kaikaia want apia, pruaia apia dukiara.’

Kli Smalkanka 4:36

Witin kasbrika pura wina aisin, kli wapni daukaia dukiara. Witin pauta klauhan tara marikan tasba ra, baha pata klauhan lilapas wina ai bîla baikra saki aisin.

Kli Smalkanka 5:23

Sakuna man nani baha bîla baikra walram tihmia tila wina taki bali kan ba, il ba kaikram kiasma baman man nani sut kiamka nani wihtka bara almukka nani, bali banhwan yang wal aisaia.

Kli Smalkanka 5:25

Ban sakuna baku sa kaka, ¿yawan dîa muni naha pata klauhan ra ami pruaia sibri kaia? Kli Dawan wan Gâdka bîla baikra walbia kaka, yawan prubia.

Kli Smalkanka 5:27

Kau yamni sa man lamara was, bara Dawan wan Gâdka mai wibia ba sut wals, baha ningkara dîa mai win ba yang nani ra ai wima. Dîa wan wibia yang nani daukamna.’

Kli Smalkanka 5:5

Baha piua ra yang Dawan wihki man nani wal tilamra wal kapri, kan man nani pauta ami ba kaiki sibri kapram bara sip il ra ulras katma. Bara Dawan naku win: