Impakan Sturka 20:17 - DAWAN BÎLA AISKA

¹⁷ “Man uplikam watla tumpara, maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Impakan Sturka 20:17 ပူးပေါင်းရင်းမြစ်များ

Blasi Sturka 14:23

Man dukiam nani ba wina diara kumi sin yang brimna apia, trit kum pan sin, apia kaka sûs awa kum pan sin, sûski unta wilkaia dukiara, ban kra man wimara sîa yang mita sika Ebram ba yuyakira daukri.

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

Blasi Sturka 34:23

Baku yawan daukbia ba ra, witin nani ai dukia nani ba, ai daiwra nani ba sin sut, yawan wan dukia takbia. Yawan âu wiaia baman sa, bara witin nani wan tasbaya ra takaski yawan wan tilara yawan aikuki nâra iwbia.

Job 31:1

Yang kupi wal lâ daukri, tiara nani ba kaiki brin ai daukras kaia, mairin tiara yakan nani ba ra brinka gridi lâka ra briaia.

Job 31:9

Mairin kum ra lihkisna kaka, apia kaka waitla lamara iwi ba mairka ra biki kaikri kaka,

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 119:36

Kupi ba yas tiwbia bîlam aisinka nani ra, brinka karna lâka ra lika, apia.

Sins Lâka 4:23

Lukankam main kaiks diara sut purkara, kan witin sika rayaka kârma.

Sins Lâka 6:29

Ya upla maya wal aiblakwi ba, klala luha kabia apia.

Smasmalkra 4:8

Upla yakan ba, ai uplika âpu, ai luhpia âpu, ai muihni sin âpu ba, sip ris briras; ai dukia kukan bara lukan baman sip swapras, bara makabi sin walras: “¿Bara ya dukiara wark uya takisna? ¿Dîa kan wan wîna yamni briaia dukia apia wisna?” Kan naha na sin lukanka bahki sa bara karbanka wirha kum sa.

Aiseya 33:15

Witinka kasakka lâka kat wapni ba, wapni lâka kat sturi aisi ba, witinka lâ krikanka wina diara nani pura praki briaia misbara kaiki ba, witinka taiban lâka wina diara briras, bara prisant nani ni sin atkras ba, ya baha bîla walras upla ikaia ba dukiara, bara ai nakra prakisa saura ba kaikaia apia mata,

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 5:8

Aras wainhka nani ai mairka pliki ihbi tauki ba baku, witin nani ai uplika mairka kaiki ihbi taukisa.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!

Matiu 20:15

¿Yang lalahki ba wal dîa want sna ba kat daukaia sip apia sna ki? ¿Apia kaka, yang kupi pain ba mita man tumisma ki?’

Matiu 5:28

Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Apastil Nani Sturka 20:33

Yang sin tumras katna, upla wala lalahka kra, kwalka kra dukiara.

Apastil Nani Sturka 5:4

Baha tasbaya kau wauhi atkras kapram piua ra man dukiam kan, nanara wauhi atkram na piua ra lalahka ba sin man dukiam sa. Bamna kaiks, ¿dîa muni baku daukaia kupiam ra lukram? Gâd ra sika man kunin munisma ba, upla ra lika apia.

Roman 13:9

Gâd lâka nani ba wisa: “Man marit lâka sauhkpara, upla ikpara, implikpara, upla dukia sin tumpara”; sakuna naha nani na lâ bîla wala nani sut ba naha bîla nani wal asla prakan sa: “Upla wala ba man wînam baku latwan kaikma.”

Roman 7:7

¿Bamna yawan dîa sip sa ki wiaia? ¿Lâ ba saurka sa ki? ¡Apia pali! Lâ ba apia kata, yang kaikras kaia kapri saurka ba dîa sapa. Kau klir dauki aisaia kaka, yang kaikras kaia kapri upla dukia tumaia, lâ ba naku wiras kan kaka: “Upla wala dukia tumpara.”

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Kli Smalkanka 5:21

‘Man uplikam maya mairin tumpara. Uplikam watla ba man wamtla baku brin mai daukbiara, nasla ba, ai albika waitna, ai albika mairin, ai bîpka wainhka, ai birikuka, diara wala nani sut ba man dukiam briaia brin mai daukbiara.’

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 7:21

Jeriko ra diara nani yang nani dakbi briri ba tilara, kaikri Babilon ra daukan kwala tara maman painkira kum bâra kan silbar mâ 200, wala gul ni dus kum daukan paun kum pura bri kan. Baha dukia nani ba sika yang pain pali kaikri bara briri; dukia nani ba, tintki watla bilara tasba salhki, lalahka ba munhtara mangki bara diara wala nani ba baha purara biki swiri sa.

1 Samuil 12:3

bara nanara man nani nâra ai brisma. Upla kum bîpka wainhka, biriku kra sin dakbi briri kaka, upla kum ra kra taibi munri, rausauhkri, kunin muni yukuki briri kaka, nanara man nani daihra sâks Dawan mawanra bara king mawanra sin, bara yang aibapamna.

1 Samuil 15:19

¿Dîa muni man ra mai win ba kat daukras kapram, Dawan bîla ba lulkram, bara waihlam nani dukia ba alki briram bara Dawan nakra ra saura daukram?