Impakan Sturka 20:13 - DAWAN BÎLA AISKA

¹³ “Man lâ luha upla ikpara.

Impakan Sturka 20:13 ပူးပေါင်းရင်းမြစ်များ

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

2 Kronikas 24:22

King Joás ba ai âuya tikan Sakaraya aisika Joiadá witin ra marikan ba, bara Sakaraya ra ikan, ai luhpia ba, bamna witin pruaia baila kan ba ra winan: “¡Dawan naha na kaikbia, baha mana witin nani ra klala yabia!”

Impakan Sturka 21:12

“Ya kra upla ra pruki iki ba, witin ra sin ikan kaia sa.

Impakan Sturka 21:14

Kuna ani uplika ai uplika kum ra ai kupia baiwanka mita pâtkas pali rayaka aiska ikbia kaka, witin lika plapi yang altarki kat wih yukuwi kabia, baha wina pliki saki lâka dauki pât ra laki ikma.

Impakan Sturka 21:20

“Ani uplika kum ai albika waitna ra, ai albika mairin ra sapa, dus wal pruki ikan sa kaka, witin baha mana klala briaia sa, baha saurka daukan ba tâwan.

Impakan Sturka 21:29

Sakuna bîpka ba pat ai aringka ni upla ra sabi lan kan kaka, bara upla kum ra ikuya kaka, bîpka ba walpa ni sabi ikaia sa, bara dawanka ba sin, kan witin kaiki kan bîp ba upla ra sabi lan, kuna witin baha dukiara lukras kan bamna.

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Sins Lâka 1:11

Ban kra mai wibia kaka: “Kaisa, yang nani aikuki; ban kaiki kira ni, mina mangkaika kum mangkaia upla pâtkas lubia ba ra ikaia.

Sins Lâka 1:18

baha uplika nani klauna tawi, ai mina ra alkaika kiwka nani paskisa, bara ai rayaka ba pât ra mangkisa.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Libait Lâka 24:17

“Bara ya upla kum ikbia kaka, witin ba ikan kabia.

Libait Lâka 24:21

“Upla daiwra kum ikbia kaka, wala kum kli yan kabia. Waitna kum ikbia kaka, pâtkira kulki ikan kabia.

Matiu 19:18

Wahma ba bila: —¿Ani lâka nani? Bara Jisas bila: —‘Upla ikpara; marit lâka sauhkpara, implikpara; uplikam ninara kunin aisapara;

Mark 10:19

Man, Gâd lâka nani ba pain kaikisma: ‘Upla ikpara, marit lâka sauhkpara, implikpara, upla ninara kunin aisapara, upla ra kunin munpara, aisikam bara yaptikam wal ba pain kulks.’

Luk 18:20

Man lika Gâd lâka nani ba kaikisma: ‘Marit lâka sauhkpara; upla ikpara; implikpara; upla wala dukiara kunin aisapara; aisikam yaptikam wal ba pain kulks.’

Apastil Nani Sturka 16:28

Sakuna Pal ai tâ baiki winan: —¡Man wînam ra watawi munpara, kan yang nani sut nâra sna!

Apastil Nani Sturka 28:4

Baha kî dakura uplika nani kaikan, Pal mihta ra piuta ba aipami kan, bara pana pana aisi kan: “Naha waitna na upla âikra kan baku sa, kan witin kabu wina swakwan, sakuna Gâd mita lâ wapni kat dauki ba mita sip swika kau raya taukbia apia.”

Roman 13:9

Gâd lâka nani ba wisa: “Man marit lâka sauhkpara, upla ikpara, implikpara, upla dukia sin tumpara”; sakuna naha nani na lâ bîla wala nani sut ba naha bîla nani wal asla prakan sa: “Upla wala ba man wînam baku latwan kaikma.”

Galesha 5:21

Tuman lâka briaia, bla tatakra nani kaia, bîla maihsira kaia, diara wala bahmuna sâtka nani manis sin daukaia lâka. Piua luan ra mai smalkatna ba baku, kli mai smalkisni, ani uplika naha sât dukia nani dauki ba, Gâd king aimaki tasbaya ai dukia bribia apia.

Kli Smalkanka 5:17

‘Man lâ luha upla ikpara.

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

Jems 2:11

Baha Gâdka “marit lâka sauhkpara” aisin ba, “upla ikpara” sin win. Bamna ya marit lâka sauhkras, sakuna upla ikisa kaka, pât lâ bîla lulkan sa.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.