Impakan Sturka 20:12 - DAWAN BÎLA AISKA

¹² “Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 20:12 ပူးပေါင်းရင်းမြစ်များ

Blasi Sturka 48:12

Josep tukta nani ba ai aisa plahpia wina sakan, bara ai aisika mawanra yaban tasba kat bawi ai lula krikan.

Blasi Sturka 50:12

Jekob ai luhpia nani ra witin ai dukiara dîa daukaia win yaba kat, luhpia nani sin ai aisa dukiara daukan.

1 King Nani 2:19

Betsabé king Salaman ra balan Adonías dukiara aisaia, bara king ba buan witin ba wal prawaia. Bara sin ai lal makupan ningkara, ai king iwaika ra kli iwan. Bara adar yan ai yaptika ra iwaika tara kum sal yabia, bara mihta aihkika tani ra Betsabé iwan.

2 King Nani 2:12

Naha kaikan ba ra, Ilaidsa winan: “¡Aisiki, aisiki, Israel mapa ra war daknika karnikira kum baku katma!” Baha ningkara witin kli Ilayas kaikras kan. Bara Ilaidsa ai prâka ba brin, bara pîs wâl kalkan.

Impakan Sturka 21:15

“Ani uplika ai aisika bara ai yaptika ra pruki latwan yabia kaka, witin ba sin lâka dauki ikan kaia sa.

Impakan Sturka 21:17

“Ani uplika bui ai aisika ra bara ai yaptika ra sin saura wibia kaka, witin ba pât ra laki ikan kaia sa.

Sins Lâka 15:5

Upla taniskira ba, ai aisika bui witin ra smalkan ba bahki kulkisa; ya wali alki bri ba, sins lâka ba marikisa.

Sins Lâka 17:6

Upla almuk nani kraunka ba sika, mulika nani ba; bara aisika nani ba sika, tuktan nani prana ba.

Sins Lâka 20:20

Ya ai papika ra bara ai yapti ra lahtubi aisi ba, ai lampka ba daskan bara tihmia tara ra prubia.

Sins Lâka 28:24

Upla âikra nani ai uplika bri ba sika ai papika ra impliki, ai yaptika ra sin impliki bara wisa, witin saura daukras.

Sins Lâka 3:16

Mihta aihkika ba yua nani yari wankisa; bara smihka ba lika, yuya bara kulkanka lâka wankisa.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Jirimaya 35:18

Jirimaya sin, baha purkara Recab uplika nani ra win: “Dawan karnika sut bri ba, Israel Gâdka ba, aisisa: ‘Man nani damikam Jonadab adarka nani kat bîla wali daukram ba mita, witin ai smalkanka nani ba walram witin dîa mai win ba kat daukram bamna,

Jirimaya 35:7

Witin sin yang nani ra ai win utla mâkaia apia, insla daukaia apia, wain nasla daukaia apia, atki briaia sin apia. Yang nani ra ai win utla papakni ra baman dimi kaia, baku yang nani naha wawapra taukisna na tasbaya ra piua wihka iwi kamna.

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 19:32

“Upla almuk mawanra, wapni bûi lakula wis. Dawan ra kulki ba tânka ba mariks. Yang sika Dawan.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Matiu 19:19

aisikam bara yaptikam wal kulks; bara man wînam ra latwan kaikisma ba baku, uplikam ra sin latwan kaiks.’

Mark 10:19

Man, Gâd lâka nani ba pain kaikisma: ‘Upla ikpara, marit lâka sauhkpara, implikpara, upla ninara kunin aisapara, upla ra kunin munpara, aisikam bara yaptikam wal ba pain kulks.’

Mark 7:10

Kan Moses win: ‘Aisikam bara yaptikam wal kulks’, bara ‘Ya ai aisika bara ai yaptika wal ra lahtubia kaka, mahka pruaia aitani sa.’

Luk 18:20

Man lika Gâd lâka nani ba kaikisma: ‘Marit lâka sauhkpara; upla ikpara; implikpara; upla wala dukiara kunin aisapara; aisikam yaptikam wal ba pain kulks.’

Epesus 5:21

Kraist ra kulki lâka ra, man nani pana pana walkam ra bawi bas.

Kli Smalkanka 11:8

“Man nani lâ nani naiwa maikri ba kat dauks, bara man nani kuntri dakbi pliskam briaisma ba ra karna kama,

Kli Smalkanka 11:9

bara Dawan bui man nani damikam bara ai kiamka nani ra yabaia pramis munan tasbaya ra, mani ailal raya kama; nasma bara tialka laya lî aubi baku tasbaya ra.

Kli Smalkanka 21:18

“Upla luhpa kum kra brisa, bîla walras kiamapara sa, aisika mita smalki klala wipi ba sin walras,

Kli Smalkanka 25:15

Ban sakuna, paun munan kasak kaia, Dawan Gâdkam bui kuntrika maikaia ba ra mani ailal raya kama dukiara.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 32:47

Kan naha lâka na man nani ban isti prak alkaia apia sa, naha lâka na man nani rayakam sa, baha mita baha tasbaya Jordan baila wala ra ba piua wihka iwma, baha tasbaya sika man nani briaisma ba.”

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kolosi 3:20

Tuktan nani, aisikam nani bîla wali dauki bas, kan naha lika Gâd nakra ra yamni pali sa.

Rut 3:6

Rut lika mahka taki insla ra wan, bara ai piarkika witin ra win ba kat daukan.

1 Samuil 22:3

Baha wina Debit Mispá ra wan, Moab tasbaya ra, bara Moab kingka ra win: —Man ra puri sunisni papiki bara yaptiki sin man wal nâra takaski kaia, Gâd bui yang wal dîa daukaia ba ai wibia daira walamna ba kat.