Impakan Sturka 2:24 - DAWAN BÎLA AISKA

²⁴ Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Impakan Sturka 2:24 ပူးပေါင်းရင်းမြစ်များ

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 16:11

Man sin nanara kwihra sma bara luhpiam waitna kum brima, bara witin ai nina ba man Ismael mâkma, kan man inankam ba Dawan walan bamna.

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Blasi Sturka 22:16

bara witin ra win: —Dawan wisa: ‘Man baha daukram ba, luhpiam unhsak ba yang ra aikaia apia wiras, man bui witin ba alki takaskras kapram bamna, yang nini mâki man ra swer takisna:

Blasi Sturka 26:2

Baha yabalka ra Dawan bui witin ra latan takan, bara win: “Man Idsip ra wapara, sakuna yang mai wimna man anira takaskaia sma ba, bara man bahara takaski kama.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

Lawana Nani 102:2

Mamwan yang ra yukukpara yang pât brisna ba piua ra, ¡man bui yang ra ai wals yang bui man ra winisna ba ra!

Lawana Nani 102:20

silak uplika nani inanka ba maisa nihkaia bara prura pâtka ra lakan nani ba pri sakaia;

Lawana Nani 105:42

Baku bamna, ai uplika Ebraham ra pramis holikira daukata ba ai kupia krawan.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 138:3

Yang bui man ra mai winri bara pana yang ra aisaram, bara man kupi ba karna daukram.

Lawana Nani 22:24

Umpira nani pât wahwi ba, witin bahki kulkras, tnayak sin lui waras; witin ba ai mawan yukukras witin nani ai sîa; ¡sakuna witin nani ai hilpka makaban ba walan!

Lawana Nani 22:5

Witin nani hilpkam makaban bara man bui witin nani ra swaki sakram; man kat mai kulki kan, witin nani swira daukras katma.

Lawana Nani 79:11

Silak uplika nani inanka ba wals, swaki sâks man karnikam ba wal, baha nani pruaia pâtka ra lakan ba.

Impakan Sturka 6:5

Nanara Israel luhpia nani ba pât wahwisa, Idsip uplika nani mita taiban lâka ra wark daukaia yabi ba kaikisna, nanara kupi krawisa witin nani wal lâ aisi pramis daukri ba.

Kulki Kaikanka 20:16

Bamna yang nani Dawan ra makabri yabal kumi saki aikbia, bara witin wan inanka ba wali, insal kum blikan Idsip wina wan sakaia, bara baha mita sika yang nani nâra sna, Cadés tawanka ra man nani tasbayam piarkika ra.

Apastil Nani Sturka 7:34

Yang upliki nani Idsip ra pât wahwi ba kaikri, bara ai bîla saki ini ba sin walri, bamna yang bal iwri witin nani ba pri sakaia. Bamna bal, yang bui Idsip ra mai blikaisna.’

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”