Impakan Sturka 2:16 - DAWAN BÎLA AISKA

¹⁶ Bara Madián prîska Reuel luhpia mairin nani 7 ba balan liwanhta ba ra, ai aisika sîpka nani lî panhki dakakaia bara laya watla nani sin banhkaia dukiara.

Impakan Sturka 2:16 ပူးပေါင်းရင်းမြစ်များ

Blasi Sturka 14:18

Bara Melkisedek, Salem kingka, Gâd Laih Purara iwi ba prîska ba sin, witin brit bara wain wal Ebram ra balan ba ra,

Blasi Sturka 24:11

Alba waitna ba tawan lata tani ba kat wan ba ra, lapta ba mahka tihmia iwi kan. Baha awarka kat mairin nani ba liwanhta ra balan lî panhkaia. Alba waitna ba ai kiamilka nani ba ris bribia dukiara, liwanhta kum lamara yan bawi kan.

Blasi Sturka 24:13

Naha tawanka wina tiara nani nâra lî panhkaia aula ba ra, yang nâra ban takaskamni liwanhta na lamara.

Blasi Sturka 29:2

Bara witin kaikan, liwanhta kumi twi ra bâra sa, bara kaiks sîp daknika yumhpa sin baha lamara bâra sa. Sîp nani ba baha wina lî dakaki kan, bara walpa tara kum ni liwanhta ba pura prakan kan.

Blasi Sturka 41:45

Bara king fero mita Josep nina ba Idsip uplika nani bîla ra Safenat-panéah mâkan, bara Asenat Potifera luhpia mairin ba wal maya baikan, witin lika tawanka ra prîs kum bâra kan ba luhpia mairin. Bara baku Josep ba Idsip tasbaya aiska mawanra wihta tara mangki swin.

Impakan Sturka 18:1

Jetró, Moses dapnika, Madián prîska ba sturi walan, Gâd nahki Moses tâ baikan ba Israel luhpia nani ra. Witin sin walan, Dawan nahki witin nani ba sin Idsip wina saki bri balan ba.

Impakan Sturka 18:12

Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.

Impakan Sturka 3:1

Moses ai dapna Jetró, Madián prîska ba sîpka nani ba main kaiki kan. Yu kum upla iwras tasbaya bâk lui, witin ban Gâd ilka Horeb kat wan.

1 Samuil 9:11

Tawan ra dimaia ilka uli auya kan ba ra, tiara nani tawan ba wina lî panhkaia taki aula kan ba aikuki prawan, bara baha nani ra makabi walan: —¿Diara kakaira ba wal yang nani nâra prawamna sa ki?