Impakan Sturka 19:6 - DAWAN BÎLA AISKA

⁶ Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Impakan Sturka 19:6 ပူးပေါင်းရင်းမြစ်များ

1 King Nani 3:8

Bamna man albikam na, uplikam nani wahbi sakram ba lila kat sna, upla daknika tara pali sa: upla ailal pali ba mita sip sin kulki sakaia tânka âpu sa.

1 King Nani 8:53

Kan man, Dawan, bâk sakram man dukiam baku nisan wala nani tila wina; man wisatma ba albikam Moses bâk, damiki nani Idsip wina sakatma piua ra.”

1 Kronikas 17:22

Kan Israel ba bâk saki briram, man uplikam kaia ban kaia ra, bara Dawan, man sika ban kaia ra witin nani Gâdka kama.

Lawana Nani 114:2

Juda ba Dawan ai watla daukan; Israel ra lika witin ai karnika ba wal iwan.

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 22:31

“Man nani ba, yang dukira baman bâk mai saki briri uplika nani sma. “Daiwan wail mita daiwan kum wîna ba kalki pîs ra daukan kaka, wînka ba pipara; yul nani ra dakaks.

Impakan Sturka 28:36

“Gul ba pruki tanta dauki bara sîl ra ulbi ba baku naha bîla na bahara uls: ‘Dawan ra yaban’.

Aiseya 43:4

Kan man ba yang naikra ra pain mai kaikisna, man ba mana tara sma bara latwan mai kaikisna. Yang bui man mai briaia bara rayakam ba sin, swaki sakaia tâwan upla nani nisan nani ba sin waihla ra yabisna.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 66:21

“Bara witin nani tila ba wina, prîs nani bâra kabia Libait nani sin saki brimna. Yang, Dawan, baku aisari.”

Jirimaya 13:11

Upla ai maisa wila ai maisa ra aubi wilki ba baku, Israel bara Juda upliki nani ba baku laima pali kat bri katna, yang upliki nani kaia, bara witin nani bui upla wala nani ra yang nini ba wiaia, yang ra pain ai kulki praina dauki uplika nani kaia. Sakuna witin nani bîli wali daukras. Yang, Dawan, kasak aisisna.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 7:23

Yang bui witin nani ra wîri ba lika yang bîli wali kaia bara yang lika witin nani ai Gâdka kamna, baku witin nani sin yang upliki nani kabia. Bamna yang dîa aisari ba witin nani dîa daukaia wîri ba baku dauki kaia, diara yamni witin nani takaia mata.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 20:24

Naha kuntrika na yang bui man nani ra maikaia wîri, bamna nanara yang tasbaya na maikamna man nani brima, tialka laya bara nasma sin baha tasbaya ra lî aubi baku sa. “Yang sika man nani Dawan Gâdkam, tawan wala nani wina aihka mai sakri ba.

Libait Lâka 20:26

Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Libait Lâka 21:23

sakuna kwala ni kutban ba ra lubia apia, altar lamara waia apia, yamni sunu pliska ba ra baha watawanka ba wal dimbia apia. Yang sika ai Dawanka, witin nani ra holikira sakri ba.”

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Hageo 2:5

Man nani si bripara, Idsip wina takram pramis mai munri ba baku, yang spiritki man wal ban sa.

Kulki Kaikanka 16:3

Witin nani sut asla taki banhwan ba ra, Moses wihki Eran wal mapara naku aisin: —Naha kat ba aitani sa, man nani wal. Upla sut ba Gâd mita sunu atia sakan sa, bara Dawan sin yang nani wal sa. ¿Bara dîa muni man nani baman kau karnika bri baku Dawan uplika nani purara aimakisma?

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

1 Korint 3:17

Baku bamna, ani uplika Gâd tempelka ba sauhkbia kaka, Gâd mita uplika ba sauhkbia. Kan Gâd tempelka ba holikira sa, bara baha tempelka ba lika man nani pali sma.

Kli Smalkanka 14:21

“Man nani ba tawan uplika kum, yamni mai kulkan sa Dawan Gâd dukiara; daiwan pruan kaka, kumi sin man nani pipara, sakuna upla tringsar nani man tawankam ra iwi nani ba ra yabaia sip sma, witin lika piaia sip sa. Bara tringsar nani impaki ba ra sin atkaia sip sma. “Guts luhpia ai yapti tialka laya ra ba pipara.

Kli Smalkanka 26:19

Witin mita man wina nisan kum purara mai daukbia, mamyunra sin brima. Nisan wala nani purara sturkam ba tara kabia bara kulkanka sin maikbia, bara witin mai win ba baku kama, tawan kum yamni munan Dawan Gâdkam dukiara.”

Kli Smalkanka 28:9

“Man nani ai lâka bîla kat dauki, ai yabalka nina blîkma kaka, Dawan Gâdkam ba tawan holikira baku witin ai dukiara ban alki mai bri kabia, swer mai munan ba baku.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

1 Tesalonaika 5:27

Dawan karnika mita man nani ra mamkabisna, naha wauhkataya na wan muihni nani sut ra aisi marikma.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”