Impakan Sturka 19:24 - DAWAN BÎLA AISKA

²⁴ Sakuna Dawan bui witin ra win: —Mâyara iwi was bara Eran brih, wal uli bal. Ban sakuna prîs nani ba bara upla wala nani sut ba lika, yang nâra sna na ra bal ulaia wisi, mark munan nani ba luaia apia sa, kan yang bui witin nani ra klala yabamna.

Impakan Sturka 19:24 ပူးပေါင်းရင်းမြစ်များ

1 Kronikas 13:9

Witin nani kakaira pliska kum ra balan, Irá mâki ba, baha ba Quidón tasbaya ra sa, bahara Uzá ai mihta sakbi baks ba tâ baikaia wisi alkata, kan bîp nani ba bui taibi kan ba mita.

Impakan Sturka 19:12

Bara il playa aiska kir ba mark muni laks, upla nani baha markka ba wina kau lui waia apia il lamara. Witin nani ra sin wis baha ilka ra uli wabia apia, lama pali ra sin wabia apia, kan ani uplika baha il lamara wabia ba pruaia pâtka ra lakan kabia bamna.

Impakan Sturka 19:25

Moses mâyara iwi wan bara dîa aisin kan ba kli aisi Israel luhpia nani ra win.

Impakan Sturka 24:1

Dawan bui Moses ra win: —Eran, Nadab bara Abihú, man nani aikuki Israel luhpia nani 70 sin nâra sna pliska na kat bal uls. Sakuna itwi baku ra takasks, bara sut lulam kriks baha kat.

Impakan Sturka 24:9

Moses ba Eran, Nadab, Abihú bara Israel almukka nani 70 aikuki il ra uli wan.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Luk 13:24

—Man nani trai muni, dur bîla sirpi bâk mahka dims; kan yang mai wisni, upla manis dimaia want kabia, sakuna sip dimbia apia.

Luk 16:16

“Jan Tatahbra piua kat baman, Moses lâka bara prapit nani smalkanka ba ban kan. Baha wina lika Gâd king aimaki lâka sturka yamni ba smalkan sa, bara upla sut sin dimaia trai kaikisa.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Galesha 3:22

Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.