Impakan Sturka 19:21 - DAWAN BÎLA AISKA

²¹ bara Dawan bui Moses ra win: —Mâyara iwi was bara upla nani ra maisa paks, mark nani mangkram ba wina kau ai kainara lui waia apia sa ai kaikaia dukiara, ban kra witin nani manis kauhi pruaia sip sa baku daukbia kaka.

Impakan Sturka 19:21 ပူးပေါင်းရင်းမြစ်များ

Impakan Sturka 3:3

Bamna witin aihka lukan: “¡Baha ba dîa sât dukia diara kum aihka pali ba! Yang wih kaikaia sna nahki pali kiaya dusa ba sip amras ba.”

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Impakan Sturka 33:20

Sakuna param mai wisna, yang maiwan sip kaikma apia. Kan upla kum yang ai kaikbia ba, sip raya ban kabia apia.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Kulki Kaikanka 4:15

Eran ai luhpia nani aikuki, holi pliska ra naha dukia nani sut ba pura prakbia. Bara utla ba mahka saki brih impakaia bubia ba ra, Quehat kiamka nani ba balbia baha twilki brih waia, sakuna diara holi ba kangbia apia, pruaia apia dukiara.

Kulki Kaikanka 4:18

“Ban swirka Quehat kiamka taika nani ba, Libait nani tilara bal prui tiwbiara.

Kulki Kaikanka 4:19

Baku witin nani holi pliska ra dimi, diara sunu nani ba alki prubia apia dukiara, man nani naku dauks: Eran ai luhpia nani wal bal, witin nani kumi bani ra wibia dîa daukaia bara dîa alkaia ba.

Kulki Kaikanka 4:20

Diara holi nani pura praki ba ra, witin nani dimi kaikbia apia; baha kaikbia kaka, prui banhbia.”

Kli Smalkanka 5:5

Baha piua ra yang Dawan wihki man nani wal tilamra wal kapri, kan man nani pauta ami ba kaiki sibri kapram bara sip il ra ulras katma. Bara Dawan naku win:

1 Samuil 6:19

Sakuna Bet-semes uplika nani sin Dawan bui klala yan, baha nani lâ auhbaia watla ba biki kaikan tâwan. Waitna 70 rayaka tikan, bara tawan aiska ba inanka tara bri kan Dawan baku upla iki tikan ba mita.