Impakan Sturka 19:18 - DAWAN BÎLA AISKA

¹⁸ Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Impakan Sturka 19:18 ပူးပေါင်းရင်းမြစ်များ

Blasi Sturka 11:5

Sakuna Dawan bal iwan, baha tawanka tara ra utla karnakira purara pali upla nani mita mâki kan ba kaikaia.

Blasi Sturka 15:17

Bara baku pat yu dimi tihmia iwan ba ra, witin kaikan kubus kum bal takan kiasma baman taki kan, bara pauta klauhan kum daiwan wîna nani klakan ba lilapas bâk ami lui wan.

Blasi Sturka 19:28

Baha wina witin Sodoma bara Gomora tani ra tawi kaikan, baha twi langnika tasbaya aiska ba sin. Bamna kaikan Sodoma bara Gomora wal tawanka ba wina kiasma baman taki kan, pauta klauhan watla kum baku kan.

Nihimaya 9:13

“Baha ningkara, Sainai ilka bahna ra bal iwram, bara witin nani wal aisaram laih kasbrika pura ba wina; bara witin nani ra lâ kasak kat daukaia lâka yaram, smalkanka kasak nani, lâ nani bara adar yamni nani ba sut.

Lawana Nani 104:32

Witin naha tasba ra kang kaikisa, bara tasba ba tatatwisa; ai mihta ni il nani ra kangbisa bara il nani ba kiasma takisa.

Lawana Nani 114:4

¡Il nani ba, bara il unta tara nani ba, guts bara sîp lupia srutwi puli ba baku srutwi pulan!

Lawana Nani 114:7

¡Tasba man, tatatwi bas, Dawan mawanra, Jekob Gâdka!

Lawana Nani 144:5

Dawan, kasbrika purara durka kwalka nani ba, saki bal iws; il nani ba mihtam kangs, bara kiasma takbia;

Lawana Nani 18:9

Kasbrika pura kaina prakanka nani ba, mâyara bal iwan; ¡tihmia tara nani ai mina nani mununhtara kan!

Lawana Nani 68:9

Gâd, man bui yaram lî ailal auhan, tasba lâwan karnika nani ba, kli raya daukaia dukiara.

Lawana Nani 77:18

Pâsa buanka tara tilara alwanikam binka wali kata; imyulikam lipi ba tasba aiska ra ingwi kata, bara tasba aiska nikbi kan.

Lawana Nani 77:19

Man kabu ba yabal daukram; lî ailal nani bâk wapi luram, sakuna upla kumi sin, man minam taibanka ba kaikras kan.

Impakan Sturka 19:13

Il ra kangbi pâtkira takuya uplika nani ba, upla wala nani witin ra ai mihta ni taya ra kangbaia apia sa, kuna walpa ni sabaia, apia kaka trisbaya ni sabi ikan kaia sa. Upla kabia, daiwan kra kabia, sakuna raya swiaia apia sa. Upla nani ba, bîp aringka trumpitka ba puhbuya walbia kat, witin nani sip sa mahka baha ilka ra uli waia.

Impakan Sturka 19:17

Bamna Moses upla nani ba ai watla nani ba wina brih taki wan Gâd wal prawaia, bara il plahpia kat wih takaskan.

Impakan Sturka 20:18

Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan.

Impakan Sturka 24:17

Bara il banhta pali ba kat Dawan prana ba, Israel luhpia nani nakra ra latan takan, pauta lakni diara sauhki tatikra buki klauhi ba baku.

Impakan Sturka 3:2

Bahara Dawan insalka kum witin ra latan takan pauta buki klauhi baku, kiaya dusa kum tilara. Moses aman pali kaikan kiaya dusa ba buki amisa sapa, sakuna amras sa.

Impakan Sturka 34:2

Bamna yauhka daukaia dukiara mahka bus, bara titan ra Sainai ilka ra uli was, il bahna ra uli yang maiwanra bus.

Aiseya 6:4

Dur playka nani ba, baha bîla baikra wini ba mita tatatban, utla bîla ba sin kiasma ni banhwan.

Aiseya 64:1

Âu, man kasbrika pura ba param saki bâra bal iwram kata, bara man mamwanra, il nani ba yabram tatatwisa,

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Matiu 24:7

Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia.

Kli Smalkanka 33:2

naku natka ra: “Dawan ba Sainai ilka wina aula; Seír wina yawan ra ingwan. Parán ilka nani wina ingwan bara Meribá-cadés wina ban kitwisa; ai aihkika ra pauta klauhan lâ ba brih yawan ra aula.

Kli Smalkanka 4:36

Witin kasbrika pura wina aisin, kli wapni daukaia dukiara. Witin pauta klauhan tara marikan tasba ra, baha pata klauhan lilapas wina ai bîla baikra saki aisin.

Kli Smalkanka 5:22

“Naha bîla nani sika Dawan ai bîla baikra tara ni aisin pauta klauhan lilapas wina, mukus tila wina, upla sut il playa munhtara banhwi kan piua ra. Ningkara baha wina kau sturi aisaras, bara naha bîla nani walpa tanta wâl ra ulbi aikan.

Kli Smalkanka 5:4

Dawan il ra man nani wal aisin, ai mawan kat pauta klauhan lilapas wina.

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Hibru Nani 12:18

Man nani lika Israel luhpia nani baku, diara kum upla bui ai mihta ni kangbaia sip kan ba, bara pauta ni sin ami kan ba lamara waras katma, bahara tihmu, tihmia tara bara pâsa karna sin kan ba;

Hibru Nani 12:26

Baha piua ra, Gâd bîla baikra ba mita tasba na yan nikwan; sakuna nanara witin naku wisa: “Kau aima kumi tasba na munrika nikbia, bara tasba na baman apia, sakuna kasbrika purara ba sin.”

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

Param Marikanka 15:8

Bara Dawan wal aisaia watla ba kiasma pali baman banhwan, Gâd tara pali ba karnika ba mita, bara upla kumi sin sip tempel ra dimras kan, pât tara 7 insal 7 bri kan ba sut tnata alkbia ba kat.

Param Marikanka 9:2

Ba ningkara, baha tihuka ba kwâkan ba ra, baha wina kiasma takan sim kubus tara kum kiasmika baku; bara baha kiasmika mita yan wan yu lapta ba bara pâsa ba sin tihmu takan.

Wihta Nani 5:5

Dawan, man mamwanra, man mamwanra, Israel Gâdka, il nani ba nikwi kan, Sainai ilka ba sin.