Impakan Sturka 18:4 - DAWAN BÎLA AISKA

⁴ Wala ba nina Eliézer mâkan, witin sin aisin kan: “Yang damiki nani Gâdka ba balan yang ra hilp ai munaia, bara king fero war aiklabaia sordka malika ba wina swaki ai sakan.”

Impakan Sturka 18:4 ပူးပေါင်းရင်းမြစ်များ

Blasi Sturka 49:25

¡Tingki man aisikam Gâdka ra, witin bui man ra hilp mai munbia bamna! ¡Karnika sut bri ba Gâdka ra, witin yamni mai munbia! ¡Laih purara yamnika bâra ba, yamnika ba wal, yamni mai munbia! ¡Kabu ra yamnika nani bâra ba yamnika ba wal sin! ¡Tialka laya manis bâra ba, tukta yapti biara sahwaia yamnika ba wal sin!

1 Kronikas 23:15

Moses luhpia nani ba kan ba Guersón bara Eliézer.

1 Kronikas 23:17

Eliézer lupia tawahkia ba lika Rehabías, bara witin luhpa waitna wala briras kata; sakuna Rehabías lika luhpia waitna manis brin.

Lawana Nani 18:1

Man, Dawan, yang karniki sma; ¡latwan mai kaikisni!

Lawana Nani 18:48

Waihli nani kupia baiwanka wina, ai dakbi ai sakisa; mapara babura nani ba, maipara bûi nani ba wina, Dawan, man bui waitna saura dadaukra nani ba wina swaki ai sakisma.

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Impakan Sturka 10:28

Baha purkara, king fero mita Moses ra win: —Naha wina taki was, bara aman kaiki bas yang maiwan kaikaia kli balpara, kan man kli yang maiwanra bal buma yua ba lika, man pruaia sma.

Impakan Sturka 2:15

King fero baha sturka walan, Moses mita Idsip waitnika kum ikan ba. Bara witin bui upla blikan wan, Moses ba pliki saki alki ikaia. Sakuna Moses ba plapan, Madián tasbaya ra wih yukuwan. Yu kum witin liwanhta kum purara iwan.

Impakan Sturka 2:22

Séfora luhpa waitna kum baikan, bara Moses bila: “Yang na naha tasbaya ra tringsar sna bamna, witin ai nina ba Guersón mâkamni.”

Impakan Sturka 4:20

Bamna Moses ai maya bara ai luhpia nani ba brin, biriku kum purara sunan bara kli tawi wan Idsip ra. Gâd mita kîn briaia win ba sin ai mihta ra bri impakan.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Apastil Nani Sturka 12:11

Pita baha kat ai dara walan, bara win: “Nanara daira walisna baha ba kasak pali sa, Dawan mita ai insalka blikan, Herod mihta wina swaki ai sakaia, bara Ju nani dîa ai munaia luki kan ba wina sin.”

Apastil Nani Sturka 7:29

Naha walan ba ra, Moses mahka plapan Madián tasbaya ra. Witin bahara tringsar baku iwan, bara ai luhpia waitna wâl sin sakan.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.

Hibru Nani 13:6

Baku bamna, yawan sip sa kasak luki kira wiaia: “Dawan sika yang ra hilp ai muni ba; yang sibrin lukamna apia. ¿Upla yang ra dîa ai munbia ki?”