Impakan Sturka 18:26 - DAWAN BÎLA AISKA

²⁶ Bara witin nani piua bani upla nani lâka ba dauki kan. Lâ tara nani ba lika Moses ra brih wan, sakuna lâ sirpi nani sut ba lika witin nani mita lâka ba aisi wapni daukan.

Impakan Sturka 18:26 ပူးပေါင်းရင်းမြစ်များ

1 King Nani 10:1

Sabá kwinka ba walan nahki Salaman nina ba ban tara pali kulkan ba Dawan mawanra mayunra tara pali sa, bara kwin ba Jerusalem ra balan, makabanka karna nani brih balan, Salaman ra makabi wali traika kaikaia dukiara.

Job 29:16

Diara luha nani aisika kapri, bara kuntri wala uplika nani tâwan aisasara sin.

Impakan Sturka 18:22

Bara witin nani mita upla nani lâka ba aisi dauki kabia piua bani ra. Bara trabilka tara nani ba lika man ra bri balbia, sakuna trabil sirpi nani ba sut lika witin nani mita lâka ba dauki kabia. Bara baku dauki natka ra, man baha wirhika brisma ba wiria ingni sâkma. Witin nani hilp mai munbia baha wirhika ba bri waia.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 17:8

“Ban kra prura, unsaban, insauhkan, tasba pîs kum diara wala nani unsabanka tâwan trabil brisma kaka lâka daukaia, Dawan Gâdkam bui plis kum aihka sakan ba ra was,