Impakan Sturka 18:20 - DAWAN BÎLA AISKA

²⁰ Bara man upla nani ra lâ bîla smalkanka nani smalkaia sma, bara witin nani sin wali tânka briaia sa nahki ai rayaka ra iwi kaia bara dîa dauki kaia ba sin.

Impakan Sturka 18:20 ပူးပေါင်းရင်းမြစ်များ

Lawana Nani 143:8

Aikrika titan ra lamtwanka lâka ba tânka brimna, kan man ra kasak lukanki ba mangkri sa bamna. Aik tânka brimni ani ba yang wataukanki ba, brin ai dauki nani ba man ra mai wisna ba ra.

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Impakan Sturka 18:16

Ani piua ra witin nani trabil tilara ai walka wal trabil kum brisa ba ra yang ra aula, yang baha ba luki kaiki bara wimna ani ba ai raitka kau brisa, bara ani ba sin ai swakwanka bri ba. Bamna yang bui witin nani ra Gâd lâka bîla nani smalki wisna.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Jirimaya 42:3

Dawan Gâdkam ra puram suns yang nani nahki dauki waia yabalka ba mairikbia.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Mark 13:34

Sim waitna kum laihura impaki ba baku sa, bamna ai watla kau swiras ba ra, ai albika nani ra warkka yabisa, bara dur aihwakbia wisa.

Kli Smalkanka 1:18

“Baha mai smalkatna ba piua ra, yang sin mai wîri wark wala nani ba sin sut, man nani nahki dauki kaia sma ba.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Kli Smalkanka 5:27

Kau yamni sa man lamara was, bara Dawan wan Gâdka mai wibia ba sut wals, baha ningkara dîa mai win ba yang nani ra ai wima. Dîa wan wibia yang nani daukamna.’

Kli Smalkanka 7:11

Bamna lâka nani ba dauks, lâ nani naiwa maikisna ba trai kaiks daukaia.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.