Impakan Sturka 18:19 - DAWAN BÎLA AISKA

¹⁹ Yang yabal kum mamrikamna, bamna man aman wals, Gâd sin tâm baikbia. Man yakan upla nani trabilka ba brih, Gâd mawanra waia sma bara witin mawanra mangkaia sma.

Impakan Sturka 18:19 ပူးပေါင်းရင်းမြစ်များ

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

Impakan Sturka 18:15

Bara Moses pana witin ra win: —Kan upla nani ba yang ra aula, Gâd lâka nani ba wali ai tânka briaia ba mata.

Impakan Sturka 18:20

Bara man upla nani ra lâ bîla smalkanka nani smalkaia sma, bara witin nani sin wali tânka briaia sa nahki ai rayaka ra iwi kaia bara dîa dauki kaia ba sin.

Impakan Sturka 18:24

Moses ai dapna bîla walan bara diara sut witin ra win ba baha kat daukan:

Impakan Sturka 20:19

Bamna witin nani bui Moses ra win: —Man bal yang nani ra aisas, bara yang nani bîlam wali daukamna, kuna Gâd lika yang nani ra aisabiara, kan yang nani sut prui tiwamna.

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Impakan Sturka 4:12

Bamna was, yang lika man wal kamna aisisma piua ra, bara mai smalkamna dîa aisaia sma ba sin.

Impakan Sturka 4:16

Man mita Eran ra aisi kama yang pali mita mai aisisna ba baku, bara Eran mita tawi upla nani ra aisi kabia man mita dîa wisma ba.

Sins Lâka 9:9

Sinskira ra diara yas, bara witin kau sinskira takbia; upla pain ra diara smalks, bara witin kau aiska sinskira takbia.

Kulki Kaikanka 27:5

Moses bui baha mairka nani makaban ba Dawan mawanra kahban,

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 5:5

Baha piua ra yang Dawan wihki man nani wal tilamra wal kapri, kan man nani pauta ami ba kaiki sibri kapram bara sip il ra ulras katma. Bara Dawan naku win:

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”