Impakan Sturka 18:12 - DAWAN BÎLA AISKA12 Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra. အခန်းကိုကြည့်ပါ။ |
Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.
Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”
Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.