baha ba wan luhpia nani ra yukukamna apia. Wan luhpia nani wan kanra aula ba wal, Dawan ra yang nani mayunamna, ai karnika bri ba, diara aihkakira dauki ba aisamna.
Bara Madián prîska Reuel luhpia mairin nani 7 ba balan liwanhta ba ra, ai aisika sîpka nani lî panhki dakakaia bara laya watla nani sin banhkaia dukiara.
Bara Moses kli ai dapna Jetró watla ra tawi wan bara win: —Yang na kli Idsip ra tawi waia sna, bahara yang muihki nani bara masraki nani sin ailal sa. Brin pali ai daukisa wih kaikaia witin nani ba kau raya sa sapa. Jetró yamni lukan bara win: —Aisabi, yamni was.
Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;
Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”
Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”
Yu kum Moses ai waikatka Hobab, Jetró luhpia Madián wina ba ra naku win: —Yang nani, Dawan aikaia win yaba tasbaya ra waia impakisna; kaisa yawan aikuki wap, bara yang nani yamni mai munamna, kan Dawan bui Israel ra yamni munaia ai pramiska sin daukan.
Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.
Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.
Kraist yang bâk diara daukan ba purara kau pura praki lika aisamna apia, Ju apia uplika nani ba yarka Gâd bîla wali daukaia dukiara. Naha na ban tnata kat takan, bîla aisi ba baman apia, kuna diara dauki ba mita sin.
Yang nani tânka brisna man nani Idsip wina bal takram ba ra, Dawan mita Kabu Pauni laya ba lâkan, man nani baila wala ra luaia dukiara, baku sin man nani bui Sihón bara Og kingka nani sut tikram, amorreo nani king wâl, Jordan baila wala kat ba.
Witin nani pana Jasua ra win: —Yang nani laih pali wina aulma, man nani Dawan Gâdkam sturka nani ba walri tâka. Witin Idsip ra dîa daukan ba yang nani baha sut walri,
Quedes lamara, Saanaim usupumka ba lamara, Héber quenita ba tintka ba bâra kan, witinka ba lika quenita wala nani wina dakwi takan kata, baha nani ba witin wal baku, Hobab kiamka nani kan, baha lika Moses dapnika kan ba.