Impakan Sturka 16:34 - DAWAN BÎLA AISKA

³⁴ Dawan bui Moses ra daukaia win yaba adarka kat, Eran manâ baulka ba brin ba ra, Dawan lâka auhbaika watla lama ba kat swin, bâra main kaiki kaia dukiara.

Impakan Sturka 16:34 ပူးပေါင်းရင်းမြစ်များ

1 King Nani 8:9

Lâ auhbaia watla ba bilara diara lika âpu kan, ban sakuna Horeb ilka ra Moses bui walpa tanhta ulban wâl mangkan ba baman bâra kan; bahara Israel luhpia nani wal Dawan lâ daukan ba, Idsip tasbaya wina takan ba piua ra.

Impakan Sturka 25:16

bara lâ auhbaika watla yang maikamna ba baha bilara mangks.

Impakan Sturka 25:21

Pura bikaika ba paskma ba ra, lâ nani auhbaia watlika ba purara praks, bara yang wina lâ maikamna lâka ba, baha auhbaika watla bilara mangks.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Impakan Sturka 30:36

Baha wina wirâ bris, bara akbi sitni pali daukma, ningkara lâ nani auhbaika watla ba tani ra swima. Tint watla ra, yang maiwanra, upla nani yang prawaia ulaika lamara, naha kîa pain angkaia dukia na kanra sunu kulkan kabia.

Impakan Sturka 30:6

Bara altarka ba bri si, lâ nani auhbaika watla ba mawanra kwala paman ba kat bri si swibia, man nani yawan wal prawaia pliska ba kat.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Impakan Sturka 38:21

Moses mita Itamar, prîs Eran luhpia waitna ba ra win, wal lâ daukan tintka watla ba paskaia, Libait nani gul, silbar, bras nani nahki prais yus munaia ba kulki kaikan.

Impakan Sturka 40:20

Baha ningkara, lâ nani ulban walpaya wâl ba Moses brin, bara lâ watla ra mangkan; baha ningkara lâ auhbaia watla buki twilkaika dusa nani ba tnaya untika ra dingkan bara pura prakaika ba sin prakan.

Kulki Kaikanka 1:50

Libait nani ba lika Dawan wal aisaia tintka watla ra wark nani daukaia swis, bara tint watla ra diara nani bâra ba sut main kaiki kabia. Witin nani mita tint watla ba twilki brih wabia, dîa dîa warkka wala nani daukaia bahara ba baha warkka nani ba daukbia, bara tint watla lamara takaski kabia.

Kulki Kaikanka 1:53

Libait nani ba lika wal lâ daukan tintka watla latka tani ra takaski main kaiki kabia, baku mika Dawan lawanka Israel daknika nani purara âpu kabia.”

Kulki Kaikanka 17:10

Bara Dawan bui Moses ra win: “Eran kînka ba kli bri si, wal lâ daukan lâka auhbaia watla ba lamara swis. Bahara bri bas, baha ba naha uplika kiamapara nani ra kupia kraukanka kum kabia. Baha kaiki ba ra witin nani maipara saura aisabia apia, bara sin prui banhbia apia.”

Kli Smalkanka 10:5

Bara yang il wina bal iwri; ningkara, Dawan bui yang ra adar aikan ba baku, walpa tanhta ba lâ auhbaika watla ra mangkri, naiwa kat kau baha nani bâra sa.