Impakan Sturka 16:15 - DAWAN BÎLA AISKA

¹⁵ Israel luhpia nani ba baha dîa dukia sapa tânka briras kan, bamna kaikan ba ra kumi bani ai walka ra aisi makabi wali kan: “¿Bara naha na dîa dukia?” Moses bui witin nani ra win: —Naha sika plun, Dawan bui man nani ra piaia maiki ba.

Impakan Sturka 16:15 ပူးပေါင်းရင်းမြစ်များ

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Nihimaya 9:20

Bara man spiritkam yamni pali sin blikram witin nani ra smalki kaia, bara ai pata manâ ba sin bîla wina sakras kapram, baha purkara lî sin yabi kapram ai diranka ba daski kaia dukiara.

Lawana Nani 105:40

Plun makaban ba ra, witin nani ra pusal blikan kasbrika purara pata ba ni dakaki âuyapah daukan.

Lawana Nani 78:24

Bara manâ ba batakan ai uplika nani purara, plawar mâ ba yaban kasbrika purara ba wina baha pibia dukiara.

Impakan Sturka 16:31

Bara Israel luhpia nani, plun wahbi kan ba pata nina ba manâ mâkan. Manâ ba pihni kan, wibia kaka starapil mâ baku kan, bara damni sim brit nasma ra buskan baku.

Impakan Sturka 16:33

Bara Moses bui Eran ra win: —Baul kum bris, bara baha bilara manâ batil wâl auhbi, bara baha Dawan mawanra kahbi swis. Bara man nani kiamkam nani ra marikaia dukiara suni swin kabia.

Impakan Sturka 16:4

Bara Dawan bui Moses ra win: —Yang pura wina lî auhi baku plun yakabaisna. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba.

Sins Lâka 9:5

“Bal, man nani, plun brisna na wina pis; bara wain ridi daukri na wina sin diaia.

Kulki Kaikanka 21:5

bara witin nani mahka Gâd bara Moses mapara rangbi aisi banhwan, bara win: —¿Man nani dîa muni Idsip wina wan sakram ki? ¿Naha upla iwras tasbaya ra pruaia dukiara? Nâra yang nani lî âpu, plun sin âpu. ¡Yang nani nâra plun saura pin baman swapi banhri!

Luk 12:30

Kan tasba uplika nani lika naha diara nani sut na nina bliki taukisa, sakuna man nani lika Aisa kum brisma, bara witin pain kaikisa naha diara nani sut want sma ba.

Jan 6:49

Man nani damikam nani lika upla iwras tasbaya ra manâ ba pin, sakuna sut pruan.

Jan 6:58

Kasbrika purara ba wina bal iwan britka ba dukiara aisisni. Naha britka na damikam nani pali pin ba sâtka apia sa, kan sut prui tiwan. Ani uplika naha britka pibia ba, ban kaia ra raya kabia.

1 Korint 10:3

Baku sin sut spirit pata ba pin,

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.

Jasua 5:12

Baha yua wina manâ ba kli kauhras, Israel luhpia nani manâ kli piras takaskan, bara baha manka aiska witin nani Kenan ra insla pata wina plun pin.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’