Impakan Sturka 16:14 - DAWAN BÎLA AISKA

¹⁴ Bara mukus ba lap tiwi diwas laya ba lâwan ningkara, tasba ra kaikan diara pihni tanhta nani ailal kan lî klaswan baku.

Impakan Sturka 16:14 ပူးပေါင်းရင်းမြစ်များ

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Lawana Nani 105:40

Plun makaban ba ra, witin nani ra pusal blikan kasbrika purara pata ba ni dakaki âuyapah daukan.

Lawana Nani 78:24

Bara manâ ba batakan ai uplika nani purara, plawar mâ ba yaban kasbrika purara ba wina baha pibia dukiara.

Impakan Sturka 16:31

Bara Israel luhpia nani, plun wahbi kan ba pata nina ba manâ mâkan. Manâ ba pihni kan, wibia kaka starapil mâ baku kan, bara damni sim brit nasma ra buskan baku.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.