Impakan Sturka 15:8 - DAWAN BÎLA AISKA

⁸ Kabu laya ba puhbram, aipaswi utla tnaya baku takan. Kabu ripka nani ba tawan kutbanka baku purara uli wan. Kabu lilapas tihuka ba tasba lâwan karna takan.

Impakan Sturka 15:8 ပူးပေါင်းရင်းမြစ်များ

2 Samuil 22:16

Wan Dawan bui upla ra lawi daukan, ai wingka puhbra karna puhban ba mita, kabu tihuka ba purara param bal takan, tasba tnata playka bapanka nani ba sut nakra ra param bal takan.

Job 4:9

Dawan ai lawanka ba witin nani purara pâsa baku puhbisa, bara sut sauhki tikisa.

Lawana Nani 33:7

Witin kabu tihuka laya nani ba, asla dauki auhbi brisa ai pliska kat.

Lawana Nani 78:13

kabu ba yabal daukan, bara bâk upla nani ba wapi luan, lî ba kutbanka baku alki takaski bri kan.

Impakan Sturka 14:29

Ban sakuna, Israel luhpia nani lika tasba lâwan bâk lui wan. Kabu laya ba kutbanka tara wâl kan, kumi ai aihkika ra bara wala ba ai smihka ra.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 37:7

Kaiks yang mita witin ra sturi binka daukamni, bara witin nani naha sturi binka ba walbia, baku sin ai tasbaya ra kli tawi wabia bara baku yabrika ai tasbaya ra prubia, upla mita ikbia.’ ”

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

Abakuk 3:15

Man araskam nani ba uli kabu aiska kir plapi tawisma, bara lî tara ba ukata man takisa.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”