Impakan Sturka 15:7 - DAWAN BÎLA AISKA

⁷ Man karnikam tara pali ba wal waihlam nani mampara buan ba, minam ra taibram; kupiam baiwanka ba pauta klauhan baku sa, bara witin nani ba twi lâwan baku angkram.

Impakan Sturka 15:7 ပူးပေါင်းရင်းမြစ်များ

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 148:13

¡Upla sut Dawan nina ba mayunbia, kan witin ai nina baman tara sa bamna! ¡Witin prana tara ba tasba kasbrika purkara sa!

Lawana Nani 59:13

Âpu dauks, âpu dauks man lawankam ba ni, ban swirka bâra kabiara, bara kaikbia man ba Gâd Jekob ra king sma, bara tasba tnata lâs ba kat.

Lawana Nani 68:33

Kasbrika pura nani ra uli tauki ba, ban kaia ra kasbrika purara ba, Man nani wals ai bîla binka nahki taki ba, ai bîla baikra karnika tara bri ba.

Lawana Nani 83:13

Dawanki, yas kiaya baku aikarwi kaia, dus wahia lâwan pâsa mita raski brih auya ba baku;

Impakan Sturka 14:27

Moses ai klahkla kabu purara sakban, bara plapi swakwaia munan, sakuna Dawan mita witin nani sut ba kabu lilapas kat rungki tikan.

Impakan Sturka 5:12

Israel luhpia nani lika Idsip aiska ra diara klakan lâwan nani ba pliki taki wan, baha ni inma lâwan nani twi lâwan baku yus munaia dukiara.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Aiseya 37:17

Dawan, man kiamam pri tniki yang ra wals: Dawan, namkra nani ba ilingki kaiks bara Senaquerib aisanka ba sin wals, witin sika Gâd rayakira sma ba mampara aisisa.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 37:38

Bara witin yua kumi ra ai gâdka Nisroc priaska watla ra dimi mayuni kan ba ra ai luhpia nani Adramélec Sarézer wal bui sord wal klaki ikan, bara Ararat tasbaya ra plapi wan. Bara witin ai watlika ra ai luhpia waitna Esarhadón ba king aimakan.

Aiseya 47:14

Sakuna kaiks witin nani ba kapan taya yuya baku sa; pauta klauhan mita witin nani angkbia, pauta klauhan karnika ba wina ai rayaka nani ba sip swaki sâkbia apia. Kan masku klauhan apia sa, baha lamara iwi ailahki kaia.

Aiseya 5:16

Karnika sut bri Dawanka ba, lâ dauki bara ai karnika tara ba tânka marikbia; Gâd holikira ba, witin kasak kat lâ dauki ai holika ba marikbia.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Jirimaya 10:6

Dawan, man wal baku upla wala âpu sa: man sika karnika tara pali brisma, ninam ba tara pali kulkisa, karnika tara pali brisma.

Miqueas 4:11

Nanara sika nisan ailal asla takan sa, man nani mampara balaia; witin nani wisa: “¡Kaisa yawan lilia takaia Jerusalem ba aisawi tiwuya ba dukiara!”

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Sakaraya 14:8

Baha ningkara Jerusalem wina lî kauhla taki kabia bara aubi kabia lî piua ra, mani piua ra sin, bakriki ba Kabu Pauni ra aubi kabia bara bakriki wala ba muna kabuka tara ra aubi kabia.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Kli Smalkanka 33:26

“Jesurún Gâdka ba wala wal prakaia âpu sa, ai prana ba wal kasbrika purara kasbrika nani ba ra ulisa, man hilpkam ra balaia dukiara.

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.