Impakan Sturka 15:25 - DAWAN BÎLA AISKA

²⁵ Moses bui Dawan ra ai pura sunan, bara Dawan mita witin ra dus sirpi nani pâwi ba kum marikan. Bara Moses baha dusa brih bara laya ba ra lulkan, bara laya ba damni takan. Bahara Dawan bui witin nani ai tânka ba trai munan. Witin nani dukiara lâ kum mangki yaban wan ai rayaka ra nahki iwaia lâka ba.

Impakan Sturka 15:25 ပူးပေါင်းရင်းမြစ်များ

2 King Nani 2:21

Ilaidsa lî kârma nani ra bara tingni nani ra sin wih sâl yakaban, bara win: —Naku Dawan wisa: ‘Yang mita naha laya nani ba klin daukri, bara kli nahara upla prubia apia, bara tasba ba saumuk luha daukbia apia.’

2 King Nani 4:41

Bara Ilaidsa win: —Plawar wiria bri sal aik. Bara plawar sal yaban taim dakawa ra mangkan, bara win: —¡Nanara upla nani ra yas pibia! Bamna upla nani ba pin, bara baha dakawa ra diara saura âpu kan.

2 King Nani 6:6

Bara prapit ba makabi walan: —¿Ani kat asa ba dimwan? Bara witin mita pliska ba marikan. Bara Ilaidsa dus kum klakan, bara bahara lulkan dimwan, bara asika ba yaban awi bal takan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 66:10

Wan Gâdka, man mita wan tânka laki kaikaia swiram sa, ¡silbar klin daukan ba baku sunu wan daukisma!

Lawana Nani 81:7

Trabilkam ba wina ai winram, bara swaki mai sakri; kasbrika ringbi ba tila wina unam kahbatni; Meribá awalka lamara traikam kaikatni.

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Impakan Sturka 14:10

Israel luhpia nani ai dara walan, king fero bara Idsip uplika nani aikuki pat ai lamara aula kan ba. Witin nani sibrin pali daukan bara mahka Dawan ra ai pura sunan.

Impakan Sturka 16:4

Bara Dawan bui Moses ra win: —Yang pura wina lî auhi baku plun yakabaisna. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba.

Impakan Sturka 17:4

Bara Moses lika Dawan ra tawi inan, bara win: —¿Naha uplika nani na wal, yang dîa daukamna? Witin nani kau walpa ni ai sabi ai ikaia baman ai swin sa.

Impakan Sturka 20:20

Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Isikiel 47:7

bara kaikri un wâlsut ra dus ailal pali pâwi kata.

Isikiel 47:8

Ba ningkara ai win: “Naha laya na lalma tasbaya tani ra aubisa ban Jordan awala kat, bara baha wina Kabu Pruan kat wabia. Bara baha laya ba auya kat kabu laya ba damni takisa.

1 Korint 1:18

Kraist dus prihni ra pruan sturka ba lika, tanis tiwi nani ba mapa ra sins âpu tânka baku sa; sakuna yawan swaki sakan lâka mata auya na wan mapa ra lika, bîla na Gâd karnika sa.

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Wihta Nani 2:22

Dawan kaikaia brin dauki kan witin baha baku daukan ba wal, naha uplika nani na Dawan yabalka ra tawi wapbia sapa, blasi piua ra ai damika nani wapan ba baku.

Wihta Nani 3:1

Naha tawanka nani sika Dawan mita tasbaya ba ra swin ba, Israel luhpia nani kau aisubi takras kan ba traika kaikaia dukiara, Kenan tasbaya briaia dukiara aiklaban taim.

Wihta Nani 3:4

Witin nani wal Dawan mita Israel luhpia nani ba traika kaikaia want kan, ai damika nani ra Moses bâk lâ nani yaban kata ba bîla wali daukbia sapa kaikaia.