Impakan Sturka 15:20 - DAWAN BÎLA AISKA

²⁰ Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Impakan Sturka 15:20 ပူးပေါင်းရင်းမြစ်များ

Blasi Sturka 31:27

¿Dîa muni man kunin ai muni bara yukuwi maisi pakras plapram ki? Man mahka auma ba tânka yang bri katna kaka, lilia tara daukaia kapri, drum pruki, arp kangbi lilia binka dauki lamkula daukaia katna.

2 Samuil 1:20

Gat uplika nani ra wipara, Ascalón yabalka nani ra sin sturka na aisapara, filisteo mairin nani ba lilia takbia apia dukiara, baha idan mairin nani ba sin lilia pulbia apia mata.

2 Samuil 6:14

Debit lika ‘‘efod’’ kum dimi wan, linin ni daukan ba, bara ai karnika aiska srutwi puli kan,

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

2 Samuil 6:5

Witin nani auya kan ba ra, Israel luhpia nani sut Debit aikuki lika, Dawan mawanra ai karnika aiska aiwani dans puli wapi kan bara arp, miusik awira, arp tara, drum sirpi pruki, maraka singbi, pân pruki banhwi kan.

2 King Nani 22:14

Bara Hilquías, Ahicam, Acbor, Safán bara Asaías, prapit mairin Huldá kaikaia wan, witin ba Salum maya mairin, witinka na Ticvá luhpia bara Harhás mulika, bara witin ba sin prâk nani ba auhbi aihwaki kaiki kan tempel ra. Huldá ba Jerusalem ra iwi kan, bara tawan bilara Baikanka Wâl bâra kan ba wina kumika ba ra iwi kan. Bara witin ra aisi banhwan ba ra,

1 Kronikas 15:16

Baku sin, Libait tâ bri uplika nani ra Debit bui win, ai kiamka nani ba tila wina aiwawanra nani sâkbia, lilia binka daukaia dukia nani kira, tramhtram tara nani, lunglung tara nani, plit sirpi nani bara ai âuyapah kira kangbia bara lilia tukinka kabia.

1 Kronikas 6:3

Amram luhpia nani ba lika: Eran, Moses bara Meri. Eran luhpia nani ba: Nadab, Abihú, Eleazar bara Itamar.

Nihimaya 6:14

¡Yang Gâdki: kupiam ra bri bas, Tobías bara Sambalat wal diara daukan ba! ¡Noadías baha prapitka mairin daukan ba sin âmya tikpara, bara prapit wala nani ba sin yang ra sirang ai ikaia daukan ba!

Lawana Nani 149:3

Ai nina ba mayunan kabia dans puli ba wal, witin ra aiwans arp puli bara drum puli kira.

Lawana Nani 150:4

¡Witin ra mayuns lilia dans puli kira! ¡Drum sirpi bara singbi kira ni! ¡Witin ra mayuns plut puhbi, bara awa bri nani ba kira!

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Lawana Nani 68:11

Dawan mita upla nani ra ai bîla kum blikan bara mairin nani manis upla ra smalkan:

Lawana Nani 68:25

Aiwawanra nani ba, tâura wapi aiwanisa, miusik kakangbra nani ba lika ninara wapisa, bara tiara lupia nani ba lilapas ra, drum sirpi ba singbi banhwisa.

Lawana Nani 68:26

Man nani sut, Dawan Gâd ra yamni wis; ¡yamni wis Israel aiska asla takankam ra!

Lawana Nani 81:2

Drum kangbi aiwani banhwi bas, arp kangbi bara drum tara sin kangbi kira.

Impakan Sturka 2:4

Bara bibika lakrika kum swin, witin ba itwi baku takaski bâra kabia, tuktika ba ra dîa takbia sapa kaikaia dukiara.

Smasmalkra 3:4

Inaia piua bâra sa, kikaia piua sin bâra sa. Sari briaia piua bâra sa, lilia yua sin bâra sa.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Kulki Kaikanka 12:1

Meri Eran wal Moses mapara mahka saura aisaia buan, kan witin Etiopía wina mairka ai maya brin ba tâwan.

Kulki Kaikanka 12:2

Baha purkara sin aisi banhwan: “Dawan lika Moses ra baman aisaras, sakuna yang nani wal sin aisin.” Bara Dawan baha walan.

Kulki Kaikanka 20:1

Mani tâ kriki katka ra, Israel luhpia nani sin upla iwras tasbaya ra wan. Cadés ra piua wiria takaskan, bara bahara Meri pruan, bamna bahara bikan.

Kulki Kaikanka 26:59

Amram ba Libai luhpia mairin nina Jocabed mâki kan ba wal marit takan, bara mairka na Libai kau Idsip ra kan piua ra aisuban. Amram bara Jocabed ba Eran, Moses bara Meri aisika nani kata.

Luk 2:36

Bahara sin Gâd prapitka mairka kum bâra kata, ai nina ba Ana, witin Penuel luhpia, Aser taika kan. Witin pat almuk pali kata; tiara pali marit taki, ai maya wal mani 7 iwi kan,

Apastil Nani Sturka 21:9

Pilip lika luhpa mairin walhwal bri kan, kau maya briras; baha nani Gâd sturka yamni smasmalkra kan.

1 Korint 11:5

Sakuna mairin kum ai pura suni ba ra, apia kaka Gâd bîla dahra aisi smalki ba ra ai lal ba srukras kaka, witin ai maya waitna swira daukisa; baha ba lika ai tâwa irban kan baku sa.

1 Korint 14:34

mairin nani ba serts ra sâp kaia sa, naku daukaia lâ apia sa bamna. Kiama lihni nani kaia sa, Moses lâka wi ba kat.

Wihta Nani 11:34

Jefté kli ai watla Mispá ra tawi wan ba ra, ai luhpia mairin kumi baman bri kata ba, utla wina liliakira miusik puli bara dans puli bal takan witin ai lakula daukaia. Witin ba ai luhpia wala nani kau âpu kan, ai luhpia mairin ba baman kumi lal kat bri kan.

Wihta Nani 21:21

bara kaiki aihwaki bas, Siló wina tiara nani ai daknika ra bal taki lilia puli kabia ba, bara man nani sin yukuwaikam ba wina taki bal kumi bani mairin kum mayam impliki bris; bara witin nani wal mahka tasbayam ra was.

Wihta Nani 4:4

Baha yua nani ra Israel luhpia nani ba prapit mairin Débora, Lapidot maya ba, witin nani wihtka aimaki kan.

1 Samuil 10:5

Baha ningkara Guibeá Gâd dukia ba ra wama, bahara filisteo aiklaklabra nani bâra ba sin kaiki luma. Bara tawan ba dimaia lamara wama ba ra, prapit nani dakni kum sakripais daukaia watla wina aula spirit diman ba wal prawma. Witin nani aula ba kainara upla nani arp kangbi, drum pruki, plut puhbi bara gitar puli kabia.

1 Samuil 18:6

Ban sakuna, Debit bui filisteo ba ikan ningkara suldiar nani ba tawi balan taim, Israel tawanka sut wina mairin nani taki balan, aiwani, dans puli liliakira, drum pruki, pân pruki bara bin sâtka wala dauki, king Saúl aula ba liliakira briaia.