Impakan Sturka 15:2 - DAWAN BÎLA AISKA

² Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Impakan Sturka 15:2 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 49:18

“¡Dawanki, bîlam kaikisni, swaki ai sâks!

2 Samuil 22:3

yang Gâdki, kaini kahbi ba walpaya, yang laima prakaika, swaki ai saki ba karnika, yukuwaiki rayaka kau purara ba, yukuwaika watla kau purara ba, yang sasakriki. ¡Saura munaia lâka ba wina swaki ai sakram!

2 Samuil 22:47

“¡Dawan raya ban kabia! ¡Yang kaini kakahbra ba yamni pali sa! ¡Gâd nina ba purara ban kabia, swaki ai saki kaini kahbi ba!

2 Samuil 22:51

Man bui bâk sakram kingka ra, pura luan lâka tara ba yabisma; Debit ra bara ai kiamka ra sin latwan lâka ban marikisma.”

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

2 Samuil 7:5

“Yang albiki Debit ra was, wal aisas bara wis, yang Dawan, naku wisni: ‘Man apia sika yang ra tempel kum mâki aikma, yang baha ra iwaia.

1 King Nani 8:13

Sakuna yang tempel kum paski maikri, man bahara iwaia, plis kum man bahara ban kaia ra iwi kama.”

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

1 Kronikas 16:14

“Witin sika Dawan wan Gâdka ba. ¡Witin sika tasba aiska na wihtka aimaki ba!

Lawana Nani 109:1

Man Gâd, man bîlam praki sâp kapara puri sunisna ba ra,

Lawana Nani 118:14

Yang bui Dawan ra lawana aiwanisni, yang ra karnika aikbia. ¡Witin sika yang Sasakriki!

Lawana Nani 118:21

Dawan, yang bui man ra tingki mai wisni, kan man bui yang ra aisaram bamna, kan man sika yang sasakriki sma ba.

Lawana Nani 118:28

Tingki mai wisni man tara sma ba dukiara, kan man sika yang Gâdki sma ba.

Lawana Nani 132:5

Dawan, Jekob Dawanka karnakira ba, watla pliki sakras sna kaka.”

Lawana Nani 140:7

Dawan, Dawan, yang Sasakriki karnakira sma ba, man lika aiklabanka ra laila pura bikisma.”

Lawana Nani 145:1

Yang lika man karnikam dukiara aisamni, yang Gâdki bara yang Kingki; ninam ba mayunamni ban kaia ra ban.

Lawana Nani 18:46

¡Dawan raya sa! ¡Yamni pali wiaia sa, yang kaini kakahbra tara ba! ¡Gâdki swaki ai saki ba, laih purara tara kulkan kabia!

Lawana Nani 22:10

Kau aisubi takras kapri ba kaina wina, man pat karnikam ra aihwaki ai kaiki katma, yaptiki plauya ra katna ba wina man Gâdki sma.

Lawana Nani 22:3

Sakuna man lika holikira sma, man king aimakisma, Israel mamyunisa.

Lawana Nani 27:1

Dawan ba, yang ingniki, bara yang swaki ai sakisa ¿ya sîa ai daukbia ki? Dawan bui yang rayaki kaina kahbisa; ¿yaura sîa ai daukbia?

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 30:1

Dawan, yang mamyunisna, kan man purara ai bukram bamna, bara waihli nani yang maipara saura aisi kikaia ba wina takaskram.

Lawana Nani 34:3

Man nani, yang wal Dawan ra mayuns, bakahnu witin nina ba mayunbia, wan bîla baikra kumi baku.

Lawana Nani 48:14

Wan Dawanka ba baku sa, ban kaia ra ban kabia. ¡Witin ba wan tâ brabrira ban kabia, ban kaia ra!

Lawana Nani 59:17

Gâdki, yang bui man ra lawana aiwani mamyunamni, kan man sika yang hilpki bara yukuwaiki; ¡Dawan, man sika yang ra latwan ai kaikisma ba!

Lawana Nani 68:20

Wan Gâdka ba sika Gâd swaki wan saki ba, bara prura wina sin dakbi wan saki ba.

Lawana Nani 99:5

¡Man nani bui Dawan wan Gâdka ra mayuns, witin ai mina ra lulam kriki banhs! ¡Gâd holikira sa!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 4:22

Bamna man king fero ra naku wima: ‘Dawan naku wisa: Israel ba sika yang luhpi taiwahkia ba.

Impakan Sturka 40:34

Utla ba sut mâkan ba ra, tint watla ba kasbrika kumi bal Dawan prana ni madiskan, bara tint watla ba Dawan prana ni banhkan kan.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 3:23

Yang nani maipara hilp apia sa il nani ra wih mai wini kaia; Dawan wan Gâdka ra baman Israel ai swaki sakan lâka sakisa.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:38

Witin nani ba yang upliki nani kabia, yang sin witin nani ai Gâdka kamna.

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Luk 1:77

bara yaka ai uplika nani swaki sakan lâka ba kaikbia, ai saurka nani swih tikaia lâka ba sin.

Luk 2:30

Kan pat kaikri swaki takan lâka ba,

Jan 4:22

Man nani Sameria uplika nani ba, yaura puram suni mayunisma sapa sin kaikras; sakuna yang nani lika kaikisna, yaura puri suni mayunisna ba, swaki sakan lâka ba Ju nani wina aula bamna.

Jan 5:23

Baku mika, upla sut mita Aisa ra mayunra yabi ba baku, Luhpia ra sin mayunbia. Ya luhpia ra mayunras ba, Aisa ra sin mayunras sa, witinka bui sika ai Luhpia blikan ba.

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

2 Korint 5:19

Baha tânka ba lika, Gâd lika Kraist bâk tasba ra iwi uplika nani ba witin wal kupia kumi daukuya, upla nani saurka ba kulkras pali; bara yang nani ra adar aikan sa naha kupia kumi lâka na tânka smalkaia.

Epesus 2:22

Baku sin man nani, Kraist wal asla takram ba mita, wala nani sut ba wal asla taki utla kum takram, bara Gâd bahara iwisa ai Spiritka Holikira bâk.

Kli Smalkanka 10:21

Kan witin ba man nani mamyunra dukiara sa, witin ba man nani Gâdkam sa, man nani dukiamra diara tara aihkakira nani daukan kaikram.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 2:9

Bamna Gâd tânka aiska ba, Kraist upla takan ba mita wan marikisa,

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Wihta Nani 5:21

tingni ba, patitara tingnika ba, Quisón tingnika ba mita witin nani ba âpu daukan. ¡Karnakira nani kârma binka wini ba, man bui baha nani slingbi tikma!