Impakan Sturka 15:16 - DAWAN BÎLA AISKA

¹⁶ Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Impakan Sturka 15:16 ပူးပေါင်းရင်းမြစ်များ

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

2 Samuil 7:23

Israel luhpia nani dukiara, man uplikam nani ba, ¡witin baku wala âpu sa, witin nani ba baman bâk sakan nisanka kumi sa tasba ra! Man, Dawan, witin nani ba pri sakram witin nani man uplikam nani kaia mata, diara tara bara aihkakira nani witin wal daukram ba ra, man ninam ba purara pali bukram. Nisan wala nani sut ba ai gâdka nani wal, uplikam nani mawanra batakram, man bui witin nani ba Idsip wina atki sakram ba ra.

Lawana Nani 105:38

Idsip uplika nani ba lilia takan, witin nani ba mahka taki auya kan ba ra, kan sibrin tara bri banhwi kata.

Lawana Nani 74:2

Man uplikam ra kupiam krauki bas, tâ pali wina bâk saki briram ba, baha nani atki saki briram, man uplikam kaia; Saion ilka ra kupiam krauks man bahara iwi katma ba

Lawana Nani 89:14

Man king iwaikam ba kasakka lâka, bara upla raitka bâra bapan sa, latwan lâka ba bara kasakka lâka ba wal prawisa.

Impakan Sturka 11:7

Baku man nani kaikma, Dawan mita Israel luhpia nani ba aihka sakisa Idsip uplika nani ba wina. Israel luhpia nani tilara, yul nani kumi sin, upla ra bara daiwan ra sin akbi kabia apia.

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Impakan Sturka 15:5

Witin nani walpa baku kabu tihuka kat rungwi iwan, bara kabu tihuka tara ba witin nani pura bikan.

Impakan Sturka 15:6

Dawan, man mihtam aihkika ba karnika tara sip pali aihwa sa, baha ni wan waihla nani ba kriki yuya baman daukram.

Impakan Sturka 18:8

Bahara, Moses mita ai dapna ra diara sut takan ba win. Dawan mita Israel luhpia nani tâwan king fero ra bara Idsip uplika nani ra sin dîa munan ba, bara yabal ra trabil nani manis brisata ba, bara Dawan sin nahki natka ra witin nani ra swaki sakata ba sin sut win.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 23:20

“Kaiks, yang insalki man nani tâmra blikamni kainam kaiki kaia ba dukiara, bara baha tasbaya man nani dukiamra ridi sakri ba kat mai bri wabia.

Impakan Sturka 23:22

Sakuna man nani kasak pali witin ai bîla wali dauki kama kaka, yang mai wîri ba kat, yang lika man nani waihlam nani wailhka kamni. Bara baha nani man nani mampara bubia ba, yang mita witin nani mapara buamni.

Impakan Sturka 23:27

“Yang daukamna sibrin lâka tara kârma kalki inaia lâka nani, kupia kriwan lâka tara sin man nani kainamra ban wabia. Bara ani tasbaya bâk luisma ba ra, yang mita munamna waihlam nani sut man nani kainamra plapi kabia.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Jirimaya 31:11

Kan Dawan ba Jekob tawanka ba kli bukan, nisan kau karnakira ba wina pri lâka daukan.

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Kli Smalkanka 11:25

Upla kumi sin mampara bubia apia. Sibrin bara ai sringka mai bribia tasbaya sut ra luma ba ra, Dawan Gâdkam pramis mai munan baku, witin tâm bribia.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Kli Smalkanka 2:4

Nahara upla nani ra naku wis: Man nani Israel kiamka nani tasbaya bâk lui waia sma, witin nani Seír tasbaya ra iwi ba Isau kiamka, man nani tamya nani sa. Witin nani lika man nani sîam sa; ban sakuna man nani kasak kainam kaiki bas,

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Kli Smalkanka 32:9

Jekob uplika nani ba Dawan dukia nani sa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Jasua 2:9

—Yang daira walisna Dawan mita naha tasbaya na pat man nani mihtam ra mangkan sa, witin mita upla nani na pat man nani sibrinkam dingkan sa. Man nani nâra balram na dukiara upla sut na pat sibrin bla pruisa.

Jasua 4:24

Baku upla nani tasba aiska ra wali tânka bribia, Dawan karnakira ba nahki diara dauki ba, bamna man nani piu sut Dawan Gâd ra pain kulkan lâka ba yabi kama.”

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.

1 Samuil 25:37

Yu wala titan Nabal bla âpu pain takan kan ba ra, diara takan ba tânka sut param Abigail bui Nabal ra win. Nabal baha walan ba wal, ai wîna aiska ba sriman.