Impakan Sturka 15:14 - DAWAN BÎLA AISKA

¹⁴ Nisan nani naha tânka na ai dara walbia ba ra witin nani tatatwi kabia, filisteo nani ai nana dusa warbi lakbia, sarka lâka latwanka taibuya ba luki ba mita.

Impakan Sturka 15:14 ပူးပေါင်းရင်းမြစ်များ

1 Kronikas 14:17

Bamna ai sturka ba tasba bani ra plapi tawan, Dawan bui sin yan nisan wala nani sut bui sîa bri kan.

Lawana Nani 48:6

Sirang ba mita, witin nani ai dawanka takan; bara mairin kwihra, tukta briaia latwanka baku takan;

Lawana Nani 48:7

lalma payaska baku, Tarsis dwarka tara nani wipi baiki tiki ba baku.

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Aiseya 14:31

¡Filisteo tawanka tara nani, man nani puram mata ins, sari bri ini banhs, sibrin mita tatatwi bas! Kan yahbra tani wina upla dakni tara kum kasbrika kiasma baku aula; bahara aidrubankam tara ra upla kumi sin man lamamra takaskbia apia.

Aiseya 23:5

Naha sturka Idsip uplika nani ra walbia ba ra, Tiro sturka ba dukiara sari bribia.

Isikiel 32:9

‘Mai sauhki tikri dahra ba, kuntri nani kakaira apia sma ba kat wabia, bara yabamna tawan nani ailal ba aihka ai dahra walaia.

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Abakuk 3:7

Cusán uplika nani ba kaikri umpira bara pât pali tilara iwisa, Madián uplika nani sin sibrin lâka mita taibi brisa.

Kulki Kaikanka 14:14

Kenan uplika nani ra sin aisisma na wibia. Man Dawan naha uplika nani lilapas ra katma, witin nani mai kaiki kan man param taki katma ba, âu, Dawan, kasbrika bukram witin nani purara kata, bara kakna ra witin nani tâura impaki katma kasbrika playa kumi ni, bara tihmia ra lika pauta klauhan playa kumi ni.

Kulki Kaikanka 22:5

bara witin bîla blikan Balaam Beor luhpia ba paiwaia. Witin Petor ra takaski kan, Éufrates awalka lamara, Amav kuntrika ra. Balac bui Balaam ra naku ai bîla blikan ai sturka twatwilkra nani wal: “Idsip wina upla nani dakni tara balan bara tasbaya aiska ra taukisa, bara nanara uplika nani ba yang laimara bal takaskan.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.

Jasua 9:9

Witin nani pana Jasua ra win: —Yang nani laih pali wina aulma, man nani Dawan Gâdkam sturka nani ba walri tâka. Witin Idsip ra dîa daukan ba yang nani baha sut walri,

1 Samuil 4:7

Witin nani sibrin takan bara aisin: “¡Gâd kiamp ra balan! ¡Nanara yawan ra lika saura pali takbia, naha praiska kat lika kau yawan ra takras kan!

1 Samuil 4:8

¡Yawan ra saura pali kabia! ¿Ya yawan ra swaki wan sâkbia naha Gâdka karnakira na mihta ra kauhbia ba ra? ¡Witin sika Idsip uplika nani sut sauhki tikan upla iwras tasbaya ra siknis sât sât klalka ba wal!”