Impakan Sturka 14:8 - DAWAN BÎLA AISKA

⁸ Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 14:8 ပူးပေါင်းရင်းမြစ်များ

Lawana Nani 105:43

Baku Gâd ai uplika wahbi sakan nani ba brih taki wan, lilia bara wini bin dauki kira.

Lawana Nani 86:13

¡Lamtwanka lâka yang ra brisma ba tara pali sa! ¡Raiti bilara kaia kapri ba wina pri ai sakram!

Impakan Sturka 10:27

Ban sakuna, Dawan mita baku daukan, king fero ba kupia karna takaia bara upla nani bîla walras kaia, upla nani ba sin swika taki waras kaia.

Impakan Sturka 13:16

Dawan ai mihta karnakira ba ni, Idsip tasbaya wina bri sal wan sakan ba tukinka baku; sain kum wan klahkla ra wilkan, wan lal purara sin ulbi mangkan baku, yawan luki kaia sa naha yua liliaka ba dauki wan kupia krauki ba ra.’ ”

Impakan Sturka 13:18

Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra. Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan.

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:7

War waginka kau pain nani ba 600 saki brin, bara war waginka tara kum mangkan tâ briaia, bara baha nani sut wal taki wan.

Impakan Sturka 15:9

Waihla ba lukan: ‘Yang ai nina blikamna, witin nani ba bliki alkamna ba kat, ai dukia nani ba mihta dakbi, yui brimna âiyapah takamna ba kat. Sordki ba sakamna, yang klaihkla ni witin nani ba sauhki tikamna.’

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 6:1

Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Impakan Sturka 9:12

Ban sakuna, Dawan mita king fero kupia ba karna daukan bara witin Moses bara Eran wal bîla walras, Dawan mita Moses bara Eran wal ra win ba baku.

Inanka Nani 3:65

Ai kupia nani ba karna sâks diara tânka briaia ba wina, bara yas man lahtubankam ba witin nani purara kabia.

Libait Lâka 26:13

Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.

Kulki Kaikanka 33:3

Israel luhpia nani Ramsés wina takan, kati pas yua 15 ba. Insal luan yaprika liliaka pas ba dauki si, yua wala ba impakan. Witin nani Dawan wina karnika tara bri ba, Idsip uplika nani kaiki kan taki wan.

Apastil Nani Sturka 13:17

Israel nisanka Gâdka ba wan damika nani ba bâk saki brin, nisan tara daukaia, witin nani sin kau Idsip tasbaya ra tringsar baku iwi kan ba ra. Baha ningkara, ai karnika ba ni baha tasbaya wina sakan.

Kli Smalkanka 26:8

bara wan marikan ai karnika ni bara sibrin lâka kutbi kir wan bri kan sain aihka nani kira wal Idsip wina wan sakan.

Kli Smalkanka 32:27

Sakuna waihla nani lawaska kiki ba yang want apia kapri; want apia kapri waihli ba aimayunbia bara wibia: Naha na Dawan daukras; yang nani karniki ni daukri.’

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

Wihta Nani 4:7

Bara yang bui daukamna Sísara, Jabín suldiar wihtka ba, Quisón awala ra war waginka nani bara suldiar nani brih balbia man wal war aiklabaia. Sakuna witin nani ba yang bui man mihtam ra mangkamni.’