Impakan Sturka 14:28 - DAWAN BÎLA AISKA

²⁸ Kabu bîla kwawan ba kli bal wal prawan bara king fero waginka nani, aras âiulra nani ba, war aiklaklabra nani sut, Israel luhpia nani nina bliki kabu ra dimi wan nani ba, kumi sin swak takras ailal takaskan.

Impakan Sturka 14:28 ပူးပေါင်းရင်းမြစ်များ

Blasi Sturka 50:9

Upla wala nani sin, wagin bara aras nani ra uli, Josep nina blikan. Bamna upla daknika tara pali witin wal Kenan ra wan.

Blasi Sturka 7:18

Lî nani ba ulan bara pupuhkanka tara pali kan tasba purara, bara ark watla ba lî purara awi kan.

2 Kronikas 20:24

Juda waitnika nani ba upla iwras tasbaya ra wih kaikan piua ra, ai waihla nani ba sut pruan kata, tasba ra prawi banhwi kan, upla kumi sin baha wina swak takras kata.

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 106:22

wark aihkakira nani, Cam tasbaya ra daukata ba, diara sibrinkira nani Kabu Pauni ra daukata ba sin.

Lawana Nani 136:15

Witin sika, king fero, ai aiklaklabrika kira, Kabu Pauni ra rungkan ba, ai latwanka lâka ba ban kaia ra ban sa bamna.

Lawana Nani 78:53

Pain main kaiki brih taki wan sibrin kra daukbia sîa, sakuna ai waihla nani ba lika, sut kabu ra yaban pruan.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 15:10

Man wingkam puhbram bara kabu witin nani ba langkan; witin nani ba walpa baku kabu ripka tilara rungwan.

Impakan Sturka 15:19

King fero araska âiulra nani ba, ai waginka nani aikuki kabu ra wih diman ba ra, Dawan mita daukan kabu laya ba witin nani purara bikaia; sakuna Israel luhpia nani ba lika kabu ra tasba lâwan bâk lui wan.

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Kli Smalkanka 11:4

Idsip aiklaklabrika man nani ninam bliki kan piua ra, Dawan mita ai araska, war aiklabaia wagin nani ra nahki Kabu Pauni laya ra rungki ban kaia ra sauhki âpu tikan.

Hibru Nani 11:29

Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.

Wihta Nani 4:16

Baha takan ba ra, Barac ai suldiarka nani aikuki witin nani nina bliki Haróset-goím kat wan. Baha yua Sísara war daknika wina suldiar kumi sin swak takras: titikbi iki âpu pali daukan.