Impakan Sturka 14:22 - DAWAN BÎLA AISKA

²² Bara tasba lâwan takan bâk, Israel luhpia nani ba kabu ba lui wan. Lî nani baikanka ba, ai aihkika ra bara ai smihka ra bri kan.

Impakan Sturka 14:22 ပူးပေါင်းရင်းမြစ်များ

2 King Nani 2:14

Bara Ilaidsa prâka kauhan kan brin ba wal, lî ra wipan, bara winan: “¿Anira sa ki Dawan, Ilayas Gâdka ba?” Liura wipan wal baku, tnaya kum ra bara tnaya wala ra baiwi takan, ara Ilaidsa ba bâk lui wan.

2 King Nani 2:8

Bara Ilaidsa ai prâka ba brih, blaki liura wipan; bara baiwi takan, bara witin wâlsut tasba lâwan bâk wapi lui wan.

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 106:9

Bara witin Kabu Pauni ba lâwi daukan, bara laya ba klang lâwan, bara witin nani baha tihuka tara bâk wapi luan, sim upla iwras tasbaya kan baku.

Lawana Nani 136:13

Witin sika, Kabu Pauni aihka tar baikan daukan ba; kan witin ai latwanka lâka ba ban kaia ra ban sa bamna.

Lawana Nani 136:14

Witin sika, Israel luhpia nani kabu lilkapas bâk yan lukan ba, ai latwanka lâka ba ban kaia ra ban sa bamna.

Lawana Nani 66:6

Kabu ba tasba lâwan daukan, bara wan damika nani awala ba wapi luan; ¡bamna yawan bui Gâd ra lilia daukpi!

Lawana Nani 74:15

Man bui lî kârma yaram laiwan, bara awala lâwaia apia kata ba yaram lâwan.

Lawana Nani 78:13

kabu ba yabal daukan, bara bâk upla nani ba wapi luan, lî ba kutbanka baku alki takaski bri kan.

Impakan Sturka 14:29

Ban sakuna, Israel luhpia nani lika tasba lâwan bâk lui wan. Kabu laya ba kutbanka tara wâl kan, kumi ai aihkika ra bara wala ba ai smihka ra.

Impakan Sturka 15:19

King fero araska âiulra nani ba, ai waginka nani aikuki kabu ra wih diman ba ra, Dawan mita daukan kabu laya ba witin nani purara bikaia; sakuna Israel luhpia nani ba lika kabu ra tasba lâwan bâk lui wan.

Impakan Sturka 15:8

Kabu laya ba puhbram, aipaswi utla tnaya baku takan. Kabu ripka nani ba tawan kutbanka baku purara uli wan. Kabu lilapas tihuka ba tasba lâwan karna takan.

Aiseya 11:15

Dawan mita Kabu Pauni bâk yabal kum kwâkbia Éufrates awalka ra ai mihta sakbia bara yaka pâsa saura kum krawbia, bara yabal 7 kilwan kabia, bara sip kabia ai sûska daikras lui waia.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 43:16

Dawan bui kabu ra yabal kum daukan sa, lî karna plapi bâk yabal ba mangkan;

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:13

witin daukan uplika nani ba mina lalalni mangkras kabu tihuka bâk lui wan ba, aras nani upla iwras tasbaya bâk lui auya ba baku,

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Kulki Kaikanka 33:8

Witin nani Pi-hahirot wina taki, Kabu Pauni ba lui upla iwras tasbaya ra aidrubi wan; witin nani Etam wina yu yumhpa baha yabalka ra wapan, ai watla nani kiamka Mará kat mâkan.

1 Korint 10:1

Muihki nani, yang want sna man nani kaiki kama, wan damika nani Moses nina bliki nani ra dîa takan ba. Witin nani ba baha kasbrikika munhtara banhwi kan, bara sut Kabu Pauni bâk dimi, lui banhwan.

Hibru Nani 11:29

Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.

Jasua 3:17

Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 4:22

man nani pana witin nani ra wis, Israel luhpia ba nahki Jordan awala ba lâki lui wan, walpaya nani ba baha tukinka,

1 Samuil 25:16

Kakna ra bara tihmia ra witin nani bui ni kau wan kaina kahbi kan, wan daiwra nani sin.