Impakan Sturka 14:21 - DAWAN BÎLA AISKA

²¹ Bamna Moses ai klahkla ba kabu purara sakban; bara Dawan mita lalma wina pâsa karna pali yaban krawan, tihmia aiska. Baku kabu ba lilak baiki tnaya wâl awala bîla baku sakan, bara lilapas bâk tasba lâwan takan.

Impakan Sturka 14:21 ပူးပေါင်းရင်းမြစ်များ

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

2 King Nani 2:8

Bara Ilaidsa ai prâka ba brih, blaki liura wipan; bara baiwi takan, bara witin wâlsut tasba lâwan bâk wapi lui wan.

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Job 26:12

Ai karnika ba ni kabu ra taiban, witin sip ba mita, Rahab daiwra saura tara ba pura luan.

Job 38:24

¿Ani yabalka wala bâra sa ingni ba baiki sâkbia ba ra? ¿Lalma payaska ba nahki ban tasba aiska purara krawisa ki?

Lawana Nani 136:13

Witin sika, Kabu Pauni aihka tar baikan daukan ba; kan witin ai latwanka lâka ba ban kaia ra ban sa bamna.

Lawana Nani 148:8

Imyula bara lî mâ klaswan, ais kauhla baman, mukus sin. Pâsa saura, ai bîla kat wali dauki ba.

Lawana Nani 66:6

Kabu ba tasba lâwan daukan, bara wan damika nani awala ba wapi luan; ¡bamna yawan bui Gâd ra lilia daukpi!

Lawana Nani 74:13

man karnikam ni, kabu tar baiki sakram, daiwan saura tara nani kabu ra ba lal baiki tikram.

Lawana Nani 78:13

kabu ba yabal daukan, bara bâk upla nani ba wapi luan, lî ba kutbanka baku alki takaski bri kan.

Impakan Sturka 14:16

Mihtam ra dus brisma ba kabu purara buki alki bris, kabu ba lilak baiki laks bara yabal takbia, baha tasba lâwan takbia bâk Israel luhpia nani ba wapi lui wabia.

Impakan Sturka 14:20

Kasbrika playka ba Israel luhpia nani bara Idsip war aiklaklabra nani ba wal lilapas kat aimakan. Idsip uplika nani ra tihmia tara baman yabi kan, sakuna Israel luhpia nani ra lika ingni baman yaban. Baha mita Idsip uplika nani ba, tihmia aiska Israel luhpia nani nina bliki kan, sakuna witin nani sip bliki alkras kan.

Impakan Sturka 15:8

Kabu laya ba puhbram, aipaswi utla tnaya baku takan. Kabu ripka nani ba tawan kutbanka baku purara uli wan. Kabu lilapas tihuka ba tasba lâwan karna takan.

Impakan Sturka 7:19

Baha purkara sin, Dawan bui Moses ra win: —Eran ra wis ai kînka ba alki bara ai klahkla sakbi bribia awala nani sut purara, tingni nani, lakun, lî mâ dakura nani bara lî panhki swin watlika nani sut purara sin; bara baha sut ba tala baman takbia.

Aiseya 23:11

Dawan ai mihta ba kabu purara sakban, king tasbaya nani ba yan tatatwan, Dawan adar win Kenan dukiara, witin karnika nani ba slingban kabia.

Aiseya 43:16

Dawan bui kabu ra yabal kum daukan sa, lî karna plapi bâk yabal ba mangkan;

Aiseya 44:27

Yang sip sna kabu tihuka tara ra wiaia lâwbia, bara ai laya ba lâwan kaia.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 51:15

“Yang sika man Dawan Gâdkam, yang nini karnika sut bri Dawanka; kabu ba nikbisna bara ripka nani ba yâri lawisa,

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:13

witin daukan uplika nani ba mina lalalni mangkras kabu tihuka bâk lui wan ba, aras nani upla iwras tasbaya bâk lui auya ba baku,

Abakuk 3:8

¿Dawan, man awala nani mapara kupiam baiwan sa ki? ¿Kabu nani ba mapara lawankam tara briram ki? ¿Bamna man pura luaia dukiara, araskam karnakira nani ba waginka ra ulram ki?

Apastil Nani Sturka 7:36

Moses kata sika wan damika nani Idsip wina sakan ba. Baha tasbaya ra witin lika wark aihka nani bara sain nani sin daukan, Kabu Pauni ra, ban upla iwras tasbaya ra sin mani 40 kan piua ra.

Jasua 2:10

Yang nani tânka brisna man nani Idsip wina bal takram ba ra, Dawan mita Kabu Pauni laya ba lâkan, man nani baila wala ra luaia dukiara, baku sin man nani bui Sihón bara Og kingka nani sut tikram, amorreo nani king wâl, Jordan baila wala kat ba.

Jasua 3:17

Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 4:23

bara nahki man nani Jordan awala ba lui kapram Dawan Gâdkam awala laya lâkan ba baku, yang nani sin Kabu Pauni lui kapri bara kabu laya ba lâkan kan.